Fyrirhyggja og góður undirbúningur ferða er alltaf nauðsynlegur

Þetta slys er mjög sorglegt sérstaklega þegar haft er í huga að auðvelt hefði verið að koma í veg fyrir það. Þessi atbrður minnir okkur óþyrmilega á hversu ætíð brýnt er að vera með góðan útbúnað bæði vistir og skjólgóð og hlý föt og skótau. Þarna voru engir „unglingar“ eða útlendingar á ferð og fullljóst að viðkomandi hafi sýnt af sér allt of mikla léttúð og fyrirhyggjuleysi gagnvart þeim erfiðu aðstæðum sem þarna voru til staðar og slæma veðrinu sem hafði verið varað við.

Spurning er hvort fólk hefði farið varlegar ef það hefði vitað að það þyrfti að borga fyrir útkall björgunarsveita og sett hafi verið upp gjaldskrá? Kannski að það kynni að halda aftur af fólki að fara út í vanhugsaðar ævintýraferðir ef því væri fyllilega ljóst að það þyrfti að greiða fyrir þessa þjónustu björgunarsveita eins og er t.d. hjá Svissurum.

Hvað ætli þessi leit hafi kostað? Það hlýtur að vera töluverður samfélagslegur kostnaður að senda á 3ja hundrað manns til erfiðrar leitar ásamt þyrlu.

Nú var fólkið í ökutæki sem tæplega getur talist vera það heppilegasta að fara um erfiðar leiðir, óbrúaðar ár og fjallveg. Sjálfsagt hefur ókunnugleiki spilað þarna inn í.

Kaldhæðni örlaganna er að símasamband var óvirkt á þessu svæði vegna þess að framkvæmdum var ekki lokið.

Aðstandendum er vottuð innileg samúð. Við verðum að draga lærdóm af þessu en fordæmum eigi.

Mosi

Rannsókn að hefjast

Athugasemdir

[H.T. Bjarnason (IP-tala skráð) 8.4.2010 kl. 11:32]

Þú segir, "Spurning er hvort fólk hefði farið varlegar ef það hefði vitað að það þyrfti að borga fyrir útkall björgunarsveita og sett hafi verið upp gjaldskrá?"

Ég verð að viðurkenna að mér finnst þessi hugleiðing frekar óviðeigandi.

[Guðjón Sigþór Jensson, 8.4.2010 kl. 12:00]

Á bloggi mínu hefi eg margsinnis bent á nauðsyn þess að tryggingafélög taki þessi mál upp á sína arma. Þau þurfa að byggja pressu á þá sem fara í hættuferðir á hálendið þar sem hugsanlega kann að reyna á útkall björgunarsveita. Þessi umræða fer vonandi af stað enda mjög þarft að björgunarsveitir séu ætíð til staðar og að rekstraröryggi þeirra sé sem best. Eldgosið hefur að öllum líkindum kostað björgunarsveitir gríðarlega fjármuni án þess að neinar tekjur hafi sannanlega komið á móti

Auðvitað mega allir lýsa skoðunum sínum en æskilegt er að rökstyðja sjónarmið sín. Mér finnst að við þurfum að hugsa þessi mál öll að nýju með hliðsjón af þeim válegu atburðum sem þarna urðu. Líklegt er að þeir sem þarna áttu hlut að máli hefðu farið varlegar en ekki treyst einungis á „að þetta reddast“ einhvern veginn.

Mosi