Hvenær verður slys?

Um þetta leyti árs er fremur lítið í jökulánum. Fyrrum var farið úr Fljótshlíðinni þvert yfir Markarfljót fyrir innan Þórólfsfell og innundir Fauskheiði og stefnt á Húsadal. Þessi leið er mjög sjaldan farin í dag enda óðs manns æði að fara hana akandi hvað þá gangandi.

Hvað ef maðurinn hefði drukknað og aðstandendur hans krafið íslenska ríkið um bætur þar sem engar leiðbeiningar eru um leiðir þarna inneftir hafi ferðamenn ekki borið sig eftir þeim áður en anað er af stað? Auðvitað á hver að bera ábyrgð á sínu eigin lífi og vera skynsamur að taka minnstu áhættu þegar náttúruöflin eru annars vegar. Það á að vera alveg ljóst að nauðsynlegt er að bæta upplýsingar og að það sé augljóst að ef ferðafólk hyggst fara á þessar varhugaverðu slóðir geri það á eigin ábyrgð og sé tilbúið að greiða fyrir aðstoð ef á það reynir. Það er rándýrt að reka björgunarsveitir hvað þá þyrluþjónustu. Þjóðfélagið getur ekki boðið hana endalaust ókeypis.

Ekki er ólíklegt að á þetta kunni að reyna einhvern tíma í náinni framtíð. Hvarvetna er varað við nánast öllum hættum á vinsælum ferðamannastöðum erlendis. Lögreglan á að setja upp upplýsingaskilti á áberandi stöðum að vara við þeirri hættu sem ókunnugum er ekki ljós. Slíkt myndi bæta réttarstöðu okkar. Svona tilvik er mjög hliðstætt við Icesave málið: á að láta þjóð bera ábyrgð á glannaskap og léttúð einstaklinga?

Mosi

Hrakinn ferðamaður í Húsadal

Athugasemdir

[Olgeir E (IP-tala skráð) 6.4.2010 kl. 17:02]

Get ég þá krafið ríkið um bætur ef ég er laminn í klessu í miðbæ Reykjavíkur af því að hvergi eru skilti sem vara við hættunni?  Það er örugglega töluvert um að menn aki yfir Markarfljót  þarna á þokkalega útbúnum jeppum af því að mjög lítið er í því núna en ekki gáfulegt fyrir ókunnuga að vaða það .