Gamaldags íhaldsraus

Stefnuskrá þessa franska íhaldsmanns byggist á gömlum lummum: það á að spara og auka niðurskurð.

Auðvitað verður kappkostað að skera niður þar sem andstaðan er minnst en ekki þar sem raunverulega mætti spara. Á Íslandi sparaði íslenska Íhaldið á samneyslunni, reyndi að hafa meira fé af öryrkjum og þeim sem minna máttu sín en lækkaði skattana á hátekjumönnum. Svona var „réttlætiskennd“ Davíðs og Halldórs Ásgrímssonar.

Utanríkisráðuneytið tútnaði út á blómatíma íhaldsins. Það rúma ár sem Davíð gegndi embætti utanríkisráðherra skipaði hann t.d. 26 sendiherra! Er það ótrúlegur fjöldin í ekki stærra og fjölmennara landi en Ísland.

Vonandi sjá sem flestir Frakkar gegnum þetta gamla íhaldsraus þessa dæmalausa stjórnmálamanns og velji fremur sósialista á borð við Evu Joli. Hún fer fyrir mjög skynsamlegum sjónarmiðum sem snertir flesta.

Góðar stundir.

Segist bjargvættur Frakka

Umhverfi Bessastaða mætti bæta

Skiljanlegt er að forseta þyki einhver óþægindi að forvitnu ferðafólki. Víða um heim er aðgengi takmarkað með þar til gerðum girðingum og öryggisvörðum. Það hefur ekki tíðkast hjá okkur og vonandi verður það aldrei eitthvert tilefni að nokkur vilji forseta nokkurt illt í huga og seint þurfi að grípa til þess háttar aðgerða.

Sem leiðsögumaður erlendra ferðamanna þá hefi eg þá reynslu að ef farþegum er bent á að fara ekki lengra en góðu hófi gegnir, þá er það virt. Annars væri ekkert því til fyrirstöðu að sett séu upp látlaus skilti þar sem bent er á að ekki sé vel séð að farið sé lengra.

Mjög vinsælt er að erlendir ferðamenn taki myndir en mjög gott tækifæri til þess er norðan við kirkjuna um það bil 50-100 metra frá veginum út frá bílastæðinu í átt að Skansi. Með því má sjá forsetafánann blakta og þykir ferðamönnum hann vera mjög fallegur.

Þess má geta að Sigurður Jónasson forstjóri Tóbaksverslunar ríkisins sem gaf Bessastaði til þjóðhöfðingjaseturs á sínum tíma hafði hugmyndir um skógrækt við Bessastaði. Því miður varð aldrei úr þeim góðu áformum en vel mætti draga þær hugmyndir fram nú og framkvæma. Nánasta umhverfi Bessastaða er ákaflega bert og næðingur mikill einkum yfir vetrarmánuðina. Þarna mætti planta nokkrum þúsunda birkitrjáa, víði og reynitrjám til yndisauka og skjóls, sem sagt alíslenskum trjátegundum sem ekki ættu að stinga andstæðingum erlendra trjátegunda í augu.

Trjágróður laðar að sér fuglalíf, bætir og breytir umhverfi öllum til gagns og gleði.

Góðar stundir!

Mosi

Lokað og læst við Bessastaði