Réttmætur reiðilestur Steingríms

Stjórnarandstaðan hefur bókstaflega verið á móti öllu og virðist litlu skipta hvaða mál er til umfjöllunar í þinginu.

Í staðinn fyrir að taka á mikilvægustu málum af skynsemi og vönduðum málflutningi, þá er mverið að þvælast sem mest fyrir og flytja nánast sömu ræðuna aftur og aftur. Dæmi eru um að sumir þingmenn stjórnarandstöðunnar hafi komið í ræðupúlt allt að 70 sinnum til að tjá sig um sama málið! Er vit í þessu?

Margir þingmenn eru ungir að árum og reynslulitlir. Þeir hafa ekki lært að oft er betra að sitja hjá og hlusta fremur en að láta eitthvað innihaldslítið orðagljálfur frá sér fara. Mér finnst margir hafa verið sér og sínum flokkum til háborinnar skammar.

Hafðu þökk Steingrímur fyrir hvassan og kröftugan reiðilestur! Óskandi er að þröskuldarnir í stjórnarandstöðunni megi fara að sjá að sér og taki betur þátt í þingstörfum á málefnalegri nótum en verið hefur hingað til!

Með bestu óskum um farsælar lyktir mála. En næstu misseri verða erfið fyrir þing og þjóð. Það mætti stjórnarandstaðan hafa hugfast að það var ekki núverandi ríkisstjórn sem kom þjóðinni inn í þessa erfiðleika heldur ótrúleg léttúð og kæruleysi Sjálfstæðisflokksins á Íslandi öðrum fremur í fjármálum þjóðarinnar! Hlutur Framsóknarflokksins er einnig umtalsverður og sá flokkur hefur ekki sérlega góðan málstað að verja með alla braskarana sem hafa komið þar við sögu!

Mosi

Yndislega ótrúlega ómerkilegt

Athugasemdir

[Baldur Hermannsson, 2.12.2009 kl. 14:57]

Ertu blekaður Guðjón? Það hefur enginn þingmaður fyrr og síðar - kannski að undanskildum Hjörleifi Guttormssyni - verið jafn ötull í málþófi og Steingrímur. Nú vill hann koma landinu á vonarvöl og rífur sig ofan í kok af vandlætingu yfir því að þingmenn skuli vilja ræða málið. Ertu virkilega að reyna að verja þetta viðrini, Guðjón? Ert þú líka orðinn landráðamaður?

[Ólafur Als, 2.12.2009 kl. 15:05]

Menn geta ávallt litið til ræðubósans hins mesta (og versta?), þess sem nú kvartar yfir skilningsleysi stjórnarandstöðunnar og kveinkar sér yfir rétti þingmanna til þess að tjá sig. Þar er nú hægt að læra af reynslunni, ekki satt?

Athyglivert er að kratar þessa lands halda því fram að hafa verið heiladauðir í ríkisstjórn Geirs Hilmars. Dindlavaktina stendurðu þar vel, Guðjón. Ekki einasta ertu þátttakandi (samsekur?) í að endurskrifa fortíðina, þér virðist standa á sama að núverandi stjórnvöld endurtaka vitleysu þeirra stjórnvalda sem þau tóku við af - og gera jafnvel gott betur.

Ég mæli eindregið með því að þú ritir nafn þitt á www.indefence.is og sýnir góðan hug í verki, í stað þess að ergjast yfir formi þess máls sem er á góðri leið með að skuldsetja þjóðina upp í rjáfur.

[Guðjón Sigþór Jensson, 2.12.2009 kl. 15:12]

Baldur: þú ert alltaf við sama heygarðshornið og hefur skoðanir oft þvert á aðra.

Ólafur: Átta mig ekki á því hvernig þú vilt taka þennan pól í hæðina. Eru mælitækin þín eitthvað vanstillt eða kvarðinn brotinn?

Svona karlar voru kallaðir þverhausar áður fyrr. Bið ykkur báða vel að lifa og skoða betur samfélagið sem við lifum í en ekki með einhverjum rómantískum gleraugum þeirra bjartsýnismanna sem töldu að unnt væri að einkavæða bankakerfið með léttúð og kæruleysi. Málið er mun alvarlegra en að hafa það í flimtingum.

Mosi

[Baldur Hermannsson, 2.12.2009 kl. 15:12]

Sammála Ólafi Als, þú ættir að skrifa nú þegar undir listann hjá indefence, sem vinstra fól berð þú ábyrgð á því hvernig komið er fyrir okkur og það er lágmark að þú sýnir einhverja smáviðleitni til að bæta fyrir það tjón sem þið hafið valdið.

[Ólafur Als, 2.12.2009 kl. 15:54]

Já, maður þverskallast, Guðjón, sem er ekki hið versta í stöðunni. Reyndar eina vörnin gagnvart því voðaverki sem verið er að vinna. Það kemur að því, Guðjón, að þessi stjórnvöld mæti hörðu, líkt og þau sem gengu þeim á undan. Þá munu kratar hafa verið reknir frá völdum tvisvar sinnum af fólkinu í landinu, ef sú spá rætist. Hvað veldur annars þessum áhuga þínum og annarra dindla stjórnvalda á formi umræðunnar á Alþingi? Málþóf eða ekki, þá er það vitskert afstaða að telja hana skaðlega fyrir þjóðina - með sama hætti er jú lýðræðið skaðlegt. Að ræðubósinn fyrrverandi skuli bregðast sárreiðastur við er talandi dæmi um valdahroka - sem ég geri ráð fyrir að þú og aðrir viljum ekkert hafa með að gera.

Mótmælin gagnvart Icesave frumvarpinu nú er byggt á fjölmörgum stoðum, misgóðum. Hinn stóri meirihluti þjóðarinnar, sem er því andmælt, hefur enga vörn í málinu, og breytir þar engu hvernig málið er til komið - hvort þú vilt einfarið skella skuldinni á sjálfstæðisflokkinn eða aðra.

Þegar menn taka reiðilestri ræðubósans fagnandi er ekki nema von að maður fyllist kvíða yfir því sem framundan er og þeim átökum sem kunna að verða. Hið góða veganesti sem núverandi stjórnvöld lögðu upp með er fyrir margt löngu uppurið og eftir stendur að stjórnvöld huga meira að því hvað sagt er í útlöndum en það hvað samlandar hugsa og segja - það er ekki nema von að margir kveinki sér, fyrst eftir höggið frá hægri og nú þegar rothöggið er mundað frá vinstri. Verður það hlutverk þitt að kreppa vinstri hnefann að þessu sinni?

Hvet þig aftir til þess að fara inn á indefence.is og skrá nafn þitt.

[Ingibjörg Guðrún Magnúsdóttir, 2.12.2009 kl. 16:10]

Guðjón, hvað ert þú ekki að skilja...stjórnarandstaðan að vinna eftir sínum besta mætti að passa að þessi afhroð sem Icesave er lendi ekki á herðum okkar. Reynir eftir sínum besta mætti að kosningarloforð ríkistjórnar standi og verði virt af þeim sem lofuðu þeim...hversu bilað er þetta..

[Hilmar Ólafsson (IP-tala skráð) 2.12.2009 kl. 16:23]

Látum okkur sjá: Steingrímur (sem lofaði í byrjun árs gegnsærri stjórnsýslu án leyndarmála og baktjaldamakks) stígur í pontu og segir að þjóðin VERÐI að greiða IceSave en ástæðurnar séu svo viðkvæmar það sé bara ekki hægt að segja þjóðinni af hverju ...

... kemur fram í fjölmiðlum daginn eftir og lendir í algerri þversögn við sjálfan sig með því að halda því fram að það sé ekki verið að leyna þjóðina neinu í sambandi við IceSave ...

... aðrir þingmenn biðja Steingrím að útskýra mál sitt og í stað þess að svara á greinargóðan og skilmerkilegan hátt þá reynir hann að eyða þessu með aulalegum undanslætti á borð við að það sé "yndislega ótrúlega ómerkilegt" að biðja ráðherra í ríkisstjórn um að skýra málflutning sinn í þessu mikilvægasta máli Íslandssögunnar ...

... og það kallar þú "réttmætan reiðilestur"?

Hamingjan sanna. Alveg er það skelfilegt hvað fólk getur blindast af pólitískum línum (já, ég er að tala um þig). Stígðu nú upp úr skotgröfunum, hættu að reyna að verja tapaðan málstað og viðurkenndu að eftir þetta nýjasta fiasco af mörgum er Steingrímur líklega endanlega rúinn öllu trausti af hálfu þjóðarinnar.

[Baldur Hermannsson, 2.12.2009 kl. 16:31]

Hilmar, þetta er rosalega flott greining hjá þér. Má ég afrita hana og birta hjá mér?

[Óskar Guðmundsson (IP-tala skráð) 2.12.2009 kl. 19:07]

Tveir illa menntaðir kommar sem eru öðrum þaulsetnari  (67 ár samtals) og þvoglu og/eða málkófs lenginingar "menn" dauðans eru að reyna að koma þjóðinni undir ægivald breta með samningi sem er ekkert annað en hrákasmíða gamallra og þreyttra komma. Komma sem fóru nokkrir saman til útlanda og komu með skottið á milli lappanna eftir að hafa þurft að glíma við 120 manna lögfræðiher.

 Þaðværi svona álíka og hefðum við sent nokkra bændur með spaða og heykvíslar til að vinna Evrópu í hernaði!

Ef að ekki verða settir fyrirvarar þeir er samþykktir voru af Alþingi og fyrirvari gegn "vertical privity" til verndar á nýju bankana og ríkið, gegn innistæðueigendum erlendis, vegna neyðarlaganna getum við allt eins læst og lokað og skilið Nágrím og Nornina hér eftir með örfáum ruglukollum með 3-5 háskólapróf.....

[Andrés Ingi (IP-tala skráð) 2.12.2009 kl. 21:17]

Þetta mottó þitt "Siðvæðing í stjórnmálum" minnir mann á hið breytta boðorðið í Animal Farm : Sumir eru jafnari en aðrir.

Því legg ég til að þú breytir móttóinu þínu í "Siðvæðing í stjórnmálum fyrir suma".  Það á betur við þig nú um stundir.

[Guðjón Sigþór Jensson, 3.12.2009 kl. 10:49]

Eru ekki ýmsir orðnir nokkuð veruleikafirrtir? Er vit í því að eyða hverjum deginum í að masa um einhverja hluti sem við verðum að leysa með einhverju móti?

Þó ýmsum þyki Icesafe samningarnir verri en engir samningar þá eru þeir grundvallaratriði að fá gott veður hjá Alþjóðagjaldeyrissjóðnum, Bretum og Hollendingum. Við þurfum að byggja upp efnahagslíf að nýju eftir aðgerðarleysi íhaldsins eftir að hafa drabbað öllu niður.

Með þessu endalausa masi eru stjórnarandstæðingar sem standa í þessu, eins og hverjir aðrir strandaglópar sem vilja helst ekki bjarga samfélaginu út úr þeim erfiðleikum sem blasa við. Af tvennu illu eru þessir samningar um Icesafe skárri en að aðhafast ekkert eins og margir í stjórnarandstöðunni vilja. Þess má geta að þeir margir hverjir einblína á skammsýnar lausnir stóriðju þó svo það virðist sem stendur vera byggt meira og minna á sandi: Fallandi verð á áli vegna gríiðarlegra birgða og auk þess má vænta að Bandaríkjamenn taki upp aukna endurvinnslu á áli sem dregur verulega úr þörfinni að framleiða meira.

Því leyfir Mosi að vísa þessum ómaklegu ummælum til föðurhúsanna.

Mosi

[Baldur Hermannsson, 3.12.2009 kl. 10:59]

Á kona að láta að vilja nauðgarans til þess að fá "gott veður" hjá honum. Gættu að því sem þú lætur út úr þér, öfgafulli Mosfells-talibani.

[Guðjón Sigþór Jensson, 3.12.2009 kl. 11:19]

Baldur:

Hvernig í ósköpunum dettur þér að líkja þessu saman: erfiðri stöðu okkar gagnvart Bretum, Hollendingum og Alþjóðagjaldeyrissjóðnum við nauðgun? Þetta er svo víðsfjarri nokkurri skynsemi að það hálfa væri nóg.

Við eigum engra annarra kosta völ en að koma þessu Icesafe máli frá með þessum aðgerðum. Bretar, Hollendingar og Alþjóðagjaldeyrissjóðurinn hafa reynst okkur nógu erfiðir viðsemjendur. Við þurfum að velja hvort við fórnum minni hagsmunum til að bjarga mikilvægari hagsmunum.

Hagsmunir okkar eru að koma atvinnulífinu sem fyrst af stað og gera okkur aftur „gildandi” meðal annarra þjóða. Lánshæfni okkar hefur fallið og erum við í svipuðum sporum og þær þjóðir sem fram að þessu hafa staðið okkur langt að baki. Við getum vænst þess að lánhæfni okkar verði aftur betra með þessum samningum en málum okkur ella út í horn.

Eigum við að vera eins og strandaglópar á skerinu og horfa á hverja björgunarsveitina fara fram hjá okkur án þess að hafast neitt að til að krafsa í bakkann? Þetta málþóf á þingi hefur ekki komið neinu áleiðis og sennilega verður það talið vera eitt mesta óhapp að ganga ekki sem fyrst frá þessum erfiðu málum.

Það eru mun fleiri lán og hærri en þessi sem tengjast Icesafe. Og við þurfum að hafa Breta með okkur til að hafa uppi á þessum verðmætum sem útrásarvíkingarnir komu undan og einnig að upplýsa betur stöðu mála og koma lögum yfir þessa þokkapilta!

Mosi

[Baldur Hermannsson, 3.12.2009 kl. 12:03]

Innst inni ertu auðvitað sómapiltur þótt þú unir þér best í vondum félagsskap, en stærsti gallinn við þig er sá að þú leitar ekki heimilda. Í Umsátrinu er að finna bréf og skilaboð ýmiskonar frá breska fjármálaeftirlitinu og hollenskum stjórnvöldum sem sýna alveg afdráttarlaust að fyrir hrunið leit enginn svo á að íslenska ríkið bæri minnstu ábyrgð á Icesave reikningunum. Þessi krafa verður til eftir hrunið en í stað þess að standa í ístaðið lyppuðust okkar menn niður og tók þó steininn úr þegar druslan Svavar var settur til að semja. Við eigum ekki að borga og nei þýðir nei.

[Atli Freyr Friðbjörnsson (IP-tala skráð) 3.12.2009 kl. 12:41]

Hvern djöfulinn viljum við hafa með hrææturnar í AGS, ásamt viðurstyggilegu úrhrökunum sem ráða ríkjum í Bretlandi og Hollandi?

Þetta er eins og slæm grínmynd. "Kommúnistarnir" vilja að við göngumst undir viðbjóðslegustu birtingarmynd kapítalismans se hægt er að finna, og "kapítalistarnir" þykjast vera á móti því!

Ég segi að við læsum Alþingi með alla þingmenn innandyra, og kveikjum svo í kofanum!

[Baldur Hermannsson, 3.12.2009 kl. 13:18]

Vel mælt Atli Freyr. Reynum með samstilltu átaki að koma vitinu fyrir Guðjón.

[Guðjón Sigþór Jensson, 3.12.2009 kl. 18:26]

Baldur: Þú gleymir því að það var Geir Haarde og Árni Mathiesen sem gerðu samning við þá félaga George Brown og Alistar Darling um Icesafe. Seinni samningurinn var miklu betri hvað vaxtakjör áhreyrir ásamt ýmsu fleiru.

Alþjóðagjaldeyrissjóðurinn er n.k.sporgönguaðili fyrir að fá auðhringum "frjálsan" aðgang að hráefnum og orkulindum 3ja heimsins. Þessir aðilar eru að reyna að koma Íslandi á sama niðurlægingarstig og þróunarríki heims. Framferði þessara aðila er auðvitað ekki afsakanlegt. Hins vegar verður að virða "þrjótinn" til að hann skaði okkur ekki meir.

Eigum við ekki að koma atvinnulífinu sem fyrst af stað og þá á okkar eigin forsendum?

Mosi

[Baldur Hermannsson, 3.12.2009 kl. 18:35]

Geir Haarde er hreint ekki hreinn af þessu forljóta máli.

[Atli Freyr Friðbjörnsson (IP-tala skráð) 3.12.2009 kl. 20:20]

Hvernig getum við haft atvinnulífið á okkar eigin forsendum ef það er allt eins og það leggur sig í eigu erlendra auðhringja? Ég spyr nú.

Annars er ég alveg sammála því að Sjálfstæðisflokkurinn og félagar séu ekki saklausir í þessu máli, en þetta nær langt fram yfir flokka og annan álíka barnaskap. Allir flokkar eru vanhæfir í þessu máli, punktur.

[Guðjón Sigþór Jensson, 4.12.2009 kl. 12:22]

Ekki eru bændur landsins að starfa í þágu erlendra auðhringja. Útgerðin ekki heldur þó svo þeir hafi sótt lánsfé erlendis en úr þessu má auðvitað bæta.

Gott er að heyra Baldur að þú áttar þig smámsaman á aðdragandanum að þessu fjármálahruni. Geir Haarde virðist eins og allt of margir hafa verið steinsofandi í vinnunni. Bók Styrmis Gunnarssonar er staðfesting þessa.

Unnt hefði verið að bjarga miklu hefði björgunarlið Jóhönnu og Steingríms J. hefði verið sótt. þá hefðu bankarnir verið teknir úr höndum glæframannanna áður en þeir komu öllu í þrot.

Mosi

[Baldur Hermannsson, 4.12.2009 kl. 13:11]

Byrjar hann aftur. "...björgunarlið Jóhönnu og Steingríms....". Honum er líklega ekki við bjargandi. Best að tala við konuna hans. Það er eina manneskjan sem hann hlustar á.

[Guðjón Sigþór Jensson, 4.12.2009 kl. 13:29]

Baldur: endilega lestu bók Styrmis. Þar segir maður sem stendur mjög nálægt bæði atburðum og þeim sem voru í valdastólum og gátu tekið ákvarðanir til að komast fram hjá þessum boðaföllum sem bankahrunið endaði í. Var ekki einn af vildarvinum útrásarvíkinganna breskur braskari sem fór með 280 milljarða út úr bönkunum án nokkurra trygginga eða veða örfáum vikum fyrir bankahrun? Það væri til mikils unnið ef Scotland Yard hefði upp á þessum gríðarlegu fjárhæðum. Þetta er tæp milljón á hvern Íslending.

Hver heilvita maður myndi lána ókunnugum erlendum braskara eina milljón án veða eða trygginga?

Ekki eg!

Mosi

[Baldur Hermannsson, 4.12.2009 kl. 15:13]

Ég er einmitt á kafi í þessari bók núna, undirstrika með rauðu og krota á spássíuna. Þetta er alger lykilbók og nauðsynlegt að lesa hana áður en skýrslan birtist.

[Guðjón Sigþór Jensson, 5.12.2009 kl. 13:05]

Gott hjá þér Baldur!

Kveðja

M