Eignaupptaka eða hvað?

Þessi nýjasti dómur Hæstaréttar sem er staðfesting á úrskurði Óbyggðanefndar er að mörgu leyti líkur fyrri dómum um áþekk eignamál. Ljóst er að ekki eru allir sáttir og er margt aðfinnanlegt um suma þessa dóma. Þannig eru skjöl sem tengjast sölu Stafafells í Lóni, afsal frá Landssjóði til þáverandi ábúanda, að efni þess var gjörsamlega hafnað. Þannig er skýrt tekið fram að afrétti á Lónsöræfum væri hluti þess selda. Óbyggðanefnd kaus að gera þá setningu marklausa.

Nú er verið að dæma um Brúaröræfi þar sem Kárahnjúkavirkjun var byggð. Eignarrétti Brúarmanna er alfarið hafnað. Nú verður fróðlegt að rýna betur í forsendur  dómsins en ljóst er að þessi niðurstaða sparar Landsvirkjun umtalsverðar fjárhæðir enda koma engar bætur til landeigenda.

Óbyggðanefnd starfar í umboði landsstjórnarinnar. Með sérstökum lögum sem Davíð Oddsson átti meginþátt í að sett væru.

Er um að ræða mestu eignaupptöku í sögu þjóðarinnar? Hvað finnst fólki um þessi mál?

Mosi

Þjóðlenda á Brúaröræfum

Athugasemdir

[Gunnlaugur B Ólafsson, 24.9.2009 kl. 20:38]

Þakka þér fyrir skrifin, Guðjón. Hæstiréttur virðist fastur í þeirri túlkun að það þurfi að sanna að farið hafi verið með kvígu um landið. Þessi mila speki "óljóst að landið hafi verið numið". Þetta rugl byrjaði með Geirlandsdómi og síðan hefur Hæstiréttur verið að eltast við skottið á sér. Gera kröfuna um að lýsing Landnámu fari saman við þinlýst landamerki. Síðan hafa engir sérfræðingar í fornritum trú á réttmæti Landnámu. Þetta er sérstök þráhyggja lögfræðinga.

[Sigurjón, 24.9.2009 kl. 20:43]

Þessi þjóðlendumál eru einhver mesta svívirða sem pólitíkusar hafa staðið fyrir á síðari tímum.  Mikið eru þeir ómerkilegt fólk...

[Guðjón Sigþór Jensson, 25.9.2009 kl. 20:21]

Þessi óbyggðamál eru í eðli sínu réttarspillir. Til þess voru refirnir skornir að hafa eignarrétt af fólki. Einkennilegt er að sá stjórnmálaflokkur sem talið hefur sig vera að verja borgaraleg réttindi gagnvart ríkisvaldinu standi í fararbroddi fyrir slíku.

Hvert er eðli Sjálfstæðisflokksins?

Mosi