Hvað kemur fólki til?

Einkennilegt er að til skuli vera fólk sem í skjóli myrkurs eyðileggur eða stórskemmir sem öðrum tilheyrir. Þetta er með öllu óskiljanlegt og enginn getur vænst þess að einhað geti réttlætt slíkan verknað.

Í frjálsu þjóðfélagi er okkur heimilt að hafa skoðanir á öllu milli himins og jarðar. En okkur er ekki heimilt að setja þær fram á meiðandi hátt eða að vaða í að skemma það sem öðrum tilheyrir. Slíkt er grófleg misnotkun á þessari heimild. Umburðarlyndi hefur verið mikið í samfélaginu ekki síst gagnvart þessum svonefndu útrásarvíkingum sem þegar á botninn er hvolft, ráku bankana og mörg fyrirtæki eins og hvert annað ræningjabæli.

Samfélagið á auðvitað að gera eigur viðkomandi upptækar upp í þann mikla kostnað sem við höfum tekið á okkur. Það tekur auðvitað sinn tíma að koma lögum yfir þessa herramenn.

Þeir þokkapiltar og hugsanlega konur sem ganga um í skjóli myrkurs, stórskemma eigur annarra, verða auðvitað að standa reikningsskap gjörða sinna.

Mosi

Miklar skemmdir unnar á vinnuvélum

Athugasemdir

[Tóti (IP-tala skráð) 9.9.2009 kl. 13:20]

Já maður veit ekki hvað kemur mönnum til, kannski er það að eyðileggja vinnuvélar í þessu tilviki, kannski það hafi verið það sem mönnum stóð til :)

[Guðjón Sigþór Jensson, 10.9.2009 kl. 10:27]

Viðkomandi eru í svipuðum sporum og þeir sem breyttu bönkunum í ræningjabæli. Þeir vissu hvað þeir voru að gera!

Mosi