Hættulegur vegakafli

Á um kílómetra löngum spotta um Grundarhverfið á Kjalarnesi er hámarkshraði ökutækja um Vesturlandsveg færður niður úr 90 í 70 km hámarkshraða. Margir ökumenn sem farið hafa eftir þessu, hafa sumir hverjir orðið fyrir því að næsti ökumaður á eftir, fari fram úr viðkomandi og valdi aukinni hættu á slysum.

Þarna þarf auðvitað að útbúa sem allra fyrst göng undir veginn eins og svo víða er þar sem mikilvæg og fjölfarin umferðaæð fer um þéttbýliskjarna. Meðan það verk er undirbúið og unnið, þarf lögregla að sinna eftirliti þarna og sekta ökuníðinga,jafnvel svipta ökuréttindum. En það er auðvitað ekki einfalt þegar jafnvel er fækkað í liði lögreglunnar vegna sparnaðar.

Mosi

 

Þolinmæði Kjalnesinga á þrotum

Athugasemdir

[Pokamaður (IP-tala skráð) 5.6.2009 kl. 11:48]

Tek undir þetta með þér, Guðjón Sigþór, maður veltir því oft fyrir sér þegar maður fer þarna um (sem er ansi oft í mínu tilfelli) hvort maður sé að gera rétt með því að fara niður í 70 á þessum bletti, því það er næsta víst að einhver virðir ekki hámarkshraðann og fremur tvöfalt umferðarlagabrot með því að aka yfir heildregna línu. Svona er reyndar víðar þar sem þjóðvegir liggja um þéttbýlisstaði, að menn hika ekki við að aka yfir heildregna línu þegar einhver "gerist svo ósvífinn" að fara eftir merkingum og draga úr hraða. Hef oft fengið óbótaskammir frá öðrum ökumönnum fyrir að fara eftir hraðatakmörkunum við svona aðstæður.

[Úrsúla Jünemann, 5.6.2009 kl. 13:08]

Þarna þarf bara að vera myndavél og taka fallega myndir af hraðakstursmönnunum og láta þá borga vel fyrir myndatökurnar. Svona menn læra ekki nema að það sé tekið á budduna þeirra.

[Haraldur Haraldsson, 6.6.2009 kl. 23:04]

Þegar hverfið var bygt  þarna átti strax að vera þarna mislæg lítil gatnamót,þetta er þjoðvegur eitt og á að vera 90 km hraði þarna eins og annastaðar í staðlaðri umferð að veiða menn i svona er ekki gott/sektir eru góðr þar sem það á við,en ekki að vera búa til svoleiðis aðstæður nema i neyð/Halli gamli