Að brenna sig á braskinu

Ekki kom á óvart að formaður VR hefði verið kolfelldur. Hann hefur verið í stjórn fyrirtækja þar sem teknar hafa verið afar umdeildar ákvarðanir svo ekki sé dýpra tekið í árina. 

Nú er óskandi að kjósendur átti sig á þeim ömurlegu staðreyndum hve einkavæðingin, álvæðingin og öll fjárfestingin var byggð á brothættum grunni. Allt hefur hrunið sem hrunið gat og það hefur verið mikið.

Nú er komið að skuldaskilum. Tími blekkinganna er liðinn. Nú verður að hreinsa upp eftir fjármálaóreiðuna og það mun taka sinn tíma að öngla saman reiturnar til að krafsa upp í skuldirnar himinháu. 

Formanni VR var greinilega refsað og þaðeftirminnilega. Hann hefur bókstaflega verið kjöldreginn í þessari kosningusem sjá mátti fyrir. Fólk er reitt og hneykslað yfir stöðu mála.

Sennilega er þetta upphafið að stærra og meira uppgjöri í samfélaginu. Kosningar leiða vonandi til að sem fæstir kjósendur láti fallerast fyrir blekkingarvef þeirra sem tengdir eru kollsteypunni í fjármálum okkar og bera meginábyrgð.

Af ávöxtunum skulum við þekkja þá!

Mosi

Kaupþingsmálið vó þungt

Athugasemdir

[Jakob Falur Kristinsson, 11.3.2009 kl. 16:41]

Það eiga fleiri eftir að falla vegna hinnar miklu græðgi sem hefur verið í þjóðfélaginu, undanfarin ár.