Áfall fyrir alla þjóðina

Haft er eftir fyrrum framkvæmdarstjóra Sjálfstæðisflokksins Kjartans Gunnarssonar, að veikindi Geirs Haarde sé mikið áfall fyrir Sjálfstæðisflokkinn. Auðvitað eru veikindi mikið áfall fyrir alla hvað veikindi varðar en undarlegt er að framkvæmdarstjórinn gleymi þjóðinni. Er Geir Haarde kannski ekki forsætisráðherra allrar þjóðarinnar eða er hann að áliti fyrrum framkvæmdarstjóra flokksins einungis forsætisráðherra Sjálfstæðisflokksins?

Öll þessi mistök í ákvarðanatöku sem ríkisstjórnir Sjálfstæðisflokksins hafa átt þátt í eru hrein skelfileg. Að fara út í hraða einkavæðingu ríkisbankanna og ákvörðun byggingu Kárahnjúkavirkjunar á sínum tíma, hvoru tveggja voru ægileg og afdrifarík mistök. Margir hagfræðingar, stjórnmálamenn sem ýmsir aðrir, vöruðu alvarlega við þessu öllu. Nú erum við að súpa seyðið af þessu gervigóðæri sem til varð án þess að nokkur raunveruleg verðmæti voru að baki þess. Alþjóða gjaldeyrissjóðurinn hefur staðfest þessi mistök við ákvarðanatöku sem skilur Ísland og Íslendinga sem nánast gjaldþrota.

Veikindi beggja formanna stjórnarflokkanna er gríðarlegt áfall fyrir þjóðina. Ljóst er að nauðsynlegt hefði verið að vinna miklu hraðar en gert var. Skera hefði upp burt meinsemdina strax og vart var við hana í fyrra eða jafnvel fyrr en ekki láta málin lullast áfram eins og gert var. Kæruleysi og léttúð kemur öllum í koll og það hefði Sjálfstæðisflokkurinn mátt sjá fyrir og vara þjóðina við í tíma.

Auðvitað votta allir Íslendingar forsætisráðherra okkar Geir Haarde hluttekningu og samúð. Einnig óskum við eftir að hann nái sem fyrst skjótum bata og komist yfir þessi alvarlegu veikindi. Hins vegar þarf að manna varaáhöfnina í ríkisstjórninni strax ef nokkur dugur er í stjórnarflokknum. Ella á Sjálfstæðisflokkurinn og Samfylkingin að koma nauðsynlegustu verkefnunum yfir á aðra, t.d. með því að SS ríkisstjórnin segi af sér og þjóðstjórn eða jafnvel utanþingsstjórn helstu sérfræðinga okkar á sviðum efnahagsmála, dómsmála, o.s.frv. verði mynduð og taki við stjórninni til að halda samfélaginu gangandi og sem virkastu þangað til ný stjórn verði mynduð.

Ljóst er, að þátttaka í stjórnmálum er bæði slítandi og reynir mjög á einstaklinginn. Alvarleg veikindi gera sjaldan boð á undan sér og þar skiptir efnahagur, búseta, stétt, menntun, trúarbrögð, litarháttur eða stjórnmálaskoðun akkúrat engu.

Mosi

 

Veikindi Geirs mikið áfall

Athugasemdir

[Axel (IP-tala skráð) 23.1.2009 kl. 17:02]

"Að fara út í hraða einkavæðingu ríkisbankanna og ákvörðun byggingu Kárahnjúkavirkjunar á sínum tíma, hvoru tveggja voru ægileg og afdrifarík mistök"

 Það er að vísu einmitt stóriðjan þ.m.t. Kárahnjúkavirkjun sem heldur í okkur lífi í dag. Það má alls ekki blanda því við það hversu hratt var farið í einkavæðingu bankanna

[Landfari, 23.1.2009 kl. 17:04]

Tek undir hvert orð hjá þér.

[Guðjón Sigþór Jensson, 25.1.2009 kl. 18:03]

Stóriðjan er ekki allra meina bót og hefur aldrei verið. Unnt hefði verið að bæta atvinnuhorfur á Austurlandi fyrir aðeins brot af þessari miklu fjárhæð sem fór í byggingu Kárahnjúkavirkjunar.

Mosi

[Landfari, 26.1.2009 kl. 00:05]

Axel, hvað hefurðu fyrir þér í því að Kárahnjúkavirkjun haldi í okkur lífinu í dag?

Kostaður við Kárahnjúka fór langt fram úr áætlun en það kom ekki að sök því raforkuverðið var tengt álverði sem hafði hækkað um einhver ósköp. Nú er álverðið fallið all verulega og ég hef engar tölur séð um hvort raforkusalan stendur undir afborgunum og rekstarkostnaði á virkjuninni í dag.

Hefur þú þær tölur?