Hefjum þegar söfnun undirskrifta!

Við þurfum nýtt Ísland, nýtt lýðveldi og nýja nútímalega stjórnarskrá í stað þeirrar gömlu.

Í gær var lagt fram frumvarp 10 þingmanna Samfylkingarinnar um kosningar.

Kannski við ættum ekki að bíða eftir afgreiðslu þessa frumvarps í þinginu heldur að hefja nú þegar undirskriftasöfnun þar sem við hvetjum ríkisstjórnina að rjúfa þing nú þegar og efna til nýrra þingkosninga ekki síðar en um Hvítasunnu.

Annars ætti fólkið í Samfylkingunni að setja Sjálfstæðisflokknum mjög einfalda úrsliltakosti núna: annað hvort verður efnt til kosningu nu þegar í vor eða við göngum úr þessu ríkisstjórnarsamstarfi.

Samfylkingin hefur engu að tapa en allt að endur það traust sem hún hefur týnt niður í samstarfinu við Sjálfstæðisflokkinn. Svo er að skilja á öllum sviðum að Sjálfstæðisflokkurinn sé meira og minna feyskinn að innan í spillingu ekki síur en gamla Framsókn og ýmsir aðilar innan flokksins eru nátengdir spillingunni og er þá fjárhagsskandallinn í bankahruninu ekki undanskilinn!

Höldum kosningar í vor!

Kjósum nýtt þing og fáum nýja ríkisstjórn, nýtt lýðveldi grundvallað á nýrri og réttlátari stjórnarskrá!

Mosi 

Athugasemdir

[María Kristjánsdóttir, 21.1.2009 kl. 10:52]

Af hverju segja þeir ekki bara af sér.  Svo má leggja fyrir svona frumvarp á nýju þingi.

[Ásgeir Kristinn Lárusson, 21.1.2009 kl. 11:01]

Það má kannski fara að senda þessum „háu herrum“ vel skiljanleg SMS...

[Guðjón Sigþór Jensson, 21.1.2009 kl. 13:10]

Í gamla daga var haft að orði þegar tala þurfti alvarlega yfir hausamótunum á einhverjum „að ræða við viðkomandi með tveim hrútshornum“. Tilvísunin um hrúta þegar þeir eru að berjast sín á milli þá skellur langar leiðir í hornunum og það þætti ekki beinlínis þægilegt að vera þar á milli.

Ef ríkisstjórnin áttar sig ekki á þvi að skýr skilaboð hafa verið send að við viljum nýjar kosningar, nýja ríkisstjórn, nýtt lýðveldi og nýja stjórnarskrá, þá má ríkisstjórnin vera týnd og tröllum gefin. Vonandi áttar hún sig á alvöru málsins. Ekki dugar að birgja lögregluna upp með piparúða og þaðan af verra. Þá kann kannski að renna upp tími mólótóvkokkteilanna sem „skríllinn“ og „andstæðingar“ kommúnistanna beittu í Austur Evrópu til að krefjast aukins frelsis og lýðræðis.

Við höldum ábyggilega að safnast saman á Austurvelli svo lengi sem þráhyggjukálfarnir sitja sem fastast.

Mosi