Alvarleg aðvörun - endurheimtum forna birkiskóga!

Fyllsta ástæða er til að vera á varðbergi gagnvart vaxandi mengun vegna brennisteinsvetnis. Eins og kemur augljóslega fram í viðtalinu við Sigurð H. Magnússon, gróðurvistfræðing hjá Náttúrufræðistofnun, þá þarf að huga betur að þessum málum.

Mosinn er lágplanta sem ekki hefur rætur. Hann verður hins vegar gamall, kannski nokkur hundruð ára gamall og tekur næringu til sín fyrst og fremst gegnum andrúmsloftið. Þegar hann deyr, þá lítur landið út sem sviðin jörð.

Sigurður hjá Náttúrufræðistofnun bendir réttilega á, að æðri plöntur, háplönturnar, eigi greiða leið að breiðast út. Mosinn gefur þeim næringu og safnar vatnsforða sem svampur. Undirritaður hefur bæði í ræðu og riti hvatt eindregið til að safna birkifræi og dreifa um Svínahraun og Hellisheiði. Með því væri verið að bæta úr því ástandi sem nú er. Við skulum minnast þess, að nú þekur birkiskógur einungis rúmlega 1%af yfirborði landsins. Þegar landið byggðist er talið að alla vega þriðjungur landsins hafi verið þakið birkiskógi og jafnvelhelmingur þess. Um þetta eru deildar meiningar en eitt er víst, að birkið á nýta sem mest til landbóta og gera gróðurinn sem fjölbreytilegastan, einnig á heiðum og fjallshlíðum þar sem það prýðir landið.

Endurheimtum sem mest fornu birkiskógana. Söfnum og dreifum birkifræi um Svínahraun og Hellisheiði.

Mosi

 

 

Gróður drepst vegna mengunar

Athugasemdir

[Ragnar (IP-tala skráð) 8.9.2008 kl. 16:17]

Landnámsmennirnir fóru greinilega ekki í nógu ítarlegt umhverfismat. Afleiðingin er gríðarleg eyðing birkiskóga.