Sjá mátti þetta fyrir!

Hvert mannsbarn gat séð að þessar gríðarlegu framkvæmdir eystra dræju dilk á eftir sér: 

Á sínum tíma varaði Steingrímur J. við ýmsum vandræðum sem við erum núna að horfa upp á: ógnarvexti Seðlabanks og hrapandi gengi krónunnar. Nú má auk þess reikna með vaxandi dýrtíð. Allt er þetta afleiðing vegna þessarar arfavitlausu fjárfestingar og framkvæmda eystra. Ekki hafa þær komið í veg fyrir fólksflótta þó vonir væru bundnar að stöðva mætti fólksflóttann. Nú eru það þeir sem flytja suður sem vilja flýja þessa varhugaverðu stóriðju og vilja gjarnan finna sér eitthvað þarflegra að gera en að starfa í menguninni og óhollustunni. Það er mjög skiljanlegt.

Mosi

Steingrímur J.: Dældu olíu á verðbólgubálið

Athugasemdir

[Haraldur Haraldsson, 8.3.2008 kl. 00:08]

Ef maður tekur sénsin að vera á móti öllu,hlýtur að koma að því að þetta virki/svona smá grín fyrir helgina/Kveðja Halli gamli

[Guðjón Sigþór Jensson, 8.3.2008 kl. 18:50]

Mér finnst þetta vera grafalvarlegt mál. Þessar framkvæmdur voru umdeildar, eru enn umdeildar og verða sjálfsagt áfram umdeildar hversu vel eða illa okkur líkar. Sagan er miskunnarlaus og oft er betra að taka tillit til þess versta sem gæti borið upp. Þá er ekki gott að taka minnstu áhættu.

Hvað núverandi vandkvæði bera í skauti er ekki gott að segja. Íslendingar eru skuldugir langt upp fyrir haus vegna kæruleysis og léttúðar. Við borgum hæstu okurvexti í heimi og dýrtíð fer vaxandi.

Hvað tekur við?

Mosi