Ja hérna!

Einhvern tíma hefði það þótt saga til næsta bæjar að 50 umsóknir berist um opinbert starf.

Þarna eru mörg þekkt nöfn úr ferðabransanum, miklir reynsluboltar sem eiga ábyggilega eftir að láta mikið að sér kveða enda eru ferðamálin sú atvinnugrein sem er mjög mannfrek og mjög vaxandi.

Magnús Oddsson fráfarandi ferðamálastjóri var mjög góður leiðtogi ferðaþjónustunnar og það verður sennilega ekki auðvelt að taka við af honum. Óskandi er að Samgönguráðuneytið velji þann sem skarar fram úr öðrum hvað reynslu og þekkingu af ferðamálum varðar.

Mosi telur sig ekki geta gert upp á milli margra sem hann telur að geti komið til greina. Og þó: Ólafur Örn hefur verið um nokkurra ára skeið forseti Ferðafélags Íslands og auk þess setið á Alþingi. Þar gat hann sér góðs orðstírs. Einnig reyndi mikið á stjórnsemi hans sem forstjóri Ratsjárstofnunar. Það sem gæti orðið ástæða þess að hann fengi ekki þetta starf er að nú hefur hann fylgt Framsóknarflokknum að malum og áhrif Framsóknar fara í dag þverrandi. En mannkostir eiga vissulega að vera ætíð hafnir yfir pólitík.

En ekki má líta fram hjá öðrum mjög góðum einstaklingum sem ábyggilega hafa áþekka reynslu til að bera.

Óskandi er að ferðamálin megi dafna sem mest og verða helsti og mikilvægasti atvinnuvegur Íslendinga enda getum við byggt þennan atvinnuveg að mestu leyti á okkar eigin forsendum. 

Mosi 

50 sóttu um embætti ferðamálastjóra

Athugasemdir

[Helga Guðrún Eiríksdóttir, 6.12.2007 kl. 08:03]

Hverju viltu veðja að kona verði ráðin?

[Guðjón Sigþór Jensson, 6.12.2007 kl. 08:18]

50%

Er það ekki n.k. Salómónsdómur? Annars á kynferði ekki að skipta neinu máli varðandi ráðningar. Kvenkyns umsækjendur eru alveg jafn færir og aðrir en miðað við reynslu og fyrri störf tel eg ÓÖH mjög líklegan til að verða skipaður í stöðuna. ÓÖH hefur gríðarlega mikla reynslu að öllum hinum umsækjendunum ólöstuðum.

[María Anna P Kristjánsdóttir, 6.12.2007 kl. 08:38]

Það verður farin kvótaleiðin,og kona verður ráðin,annars verður allt vitlaust.

[Helga Guðrún Eiríksdóttir, 6.12.2007 kl. 08:44]

Auðvitað verður kona ráðin.