Rétt túlkun fréttar?

Fyrsti ársfjórðungur Atorku reyndist nokkuð lakari nú en á sama tíma fyrir ári. En næsti ársfjórðungur skilaði þá hins vegar verri afkomu eða neikvæðri ef eg man rétt. Þannig skiptir miklu máli að útkoma fyrri hluta ársins verði betri en í fyrra og það er auðvitað aðalatriðið. Tekjuinnkoman virðist skila sér betur síðari hluta ársins þannig að þessar sveiflur segja ekki alltaf alla söguna. Því er fyllsta ástæða að túlka hráa frétt með fyllstu varfærni.

Spennandi verður að frétta af hvernig Jarðboranir spreyta sig á nýju verkefni í Suður Þýskalandi. Þar er virkilega um nýjan garð að gresja í athöfnum okkar Íslendinga þar sem mjög góð þekking og reynsla í sérhæfðri bortækni er að ræða. Þjóðverjar eru einning mjög spenntir hvernig til tekst, jarðhiti er þarna til staðar og í nokkuð miklu magni en ekki er þar háhiti eins og við þekkjum á Íslandi. Jarðlög eru bæði eldri og sennilega harðari þannig að ný dýrmæt reynsla fæst af þessum verkefnum. 

Um mánaðarmótin verður haldin mikil ráðstefna í Suður Þýskalandi um jarðhitarannsóknir og notkun jarðhita. Að öllum líkindum bera athafnir okkar Jarðborunarmanna þar á góma enda eru Íslendingar í fremstu röð þjóða um hagnýtingu jarðvarma í heiminum.

Mosi - alias

 

Heldur dregur úr hagnaði hjá Atorku

Athugasemdir

[Pétur Þorleifsson , 25.5.2007 kl. 02:41]

Íslendingar eru fremstir í hitaveitu, í hagnýtingu jarðvarma til upphitunar húsa og sundlauga. En rafmagnsframleiðsla úr jarðhita hefur tíðkast lengi  annars staðar eins og á Nýja-Sjálandi, Filippseyjum, USA ?

[Guðjón Sigþór Jensson, 25.5.2007 kl. 08:12]

Já Pétur við stöndum mjög framarlega í þessum efnum.

Ítalir eða kannski öllu heldur Rómverjar hafa sennilega lengstu reynsluna að nýta sér jarðhitann. Þeir notðuð jarðhitann til baða og lækninga. Á Norður Ítalíu munu vera til enn mjög fornar lagnir.

Okkar reynslu má rekja til Snorra Sturlusonar en hann lét leggja frumstæða neðanjarðarlögn úr hvernum Skriflu í laugina sem síðan hefur verið kennd við þennan mikla ritsnilling.

Kveðja

Mosi alias