Skynsamleg ákvörðun

RÚV hefur verið logandi í deilum vegna niðurskurðar. Páll stóð ekki með hagsmuni RÚV né starfsmanna gegn vaxandi ágengni fjandsamlegs ríkisvalds. Í Grikklandi var rekstur ríkisins á opinberum fjölmiðlum hætt og allt gefið einkareknum fjölmiðlum. RÚV var á sömu leið. Páll var hallur undir einkarekstur og stefna hans var í eðli sínu endalaust stríð við starfsmenn RÚV sem og alla þá landsmenn sem vilja RÚV eins og það hefur verið hluti af þjóðarsálinni.

Líklega hefði Páll betur átt að standa með starfsmönnum sínum í glímunni gegn stjórnvöldum og hóta uppsögn ef þessi niðurskurðaráform yrðu ekki endurskoðuð. Páll hefur eins og landshöfðingi undir lok veldis síns verið eins og lús milli stjórnarinnar og Alþingis., í tilfelli Páls milli stjórnarinnar og starfsmanna. Þessar deilur innan stofnunarinnar hefðu aldrei átt að ganga jafn langt og raunin varð.

Einkennilegt er að þessi ríkisstjórn hefur safnað að sér meiri óánægju og tortryggni en efni standa til. Nánast allt er skilið eftir í uppnámi, kannski að hugmyndir stóðu þannig til. 

Útvarpsstjórar hafa langsamlega flestir reynst vel. Þeir hafa verið vel menntaðir og viljað halda hagsmunum RÚV í heiðri: Jónas Þorbergsson, Vilhjálmur Þ. Gíslason, Andrés Björnsson, Markús og Heimir, þeir vildu forðast deilur sem Páll virtist líka.

Páll finnur sér sjálfsagt fljótlega nýtt starf. Hann deilir og drottnar ekki lengur RÚV. Farvell Páll! Hans verður að öllum líkindum ekki saknað.  Hann hefur tekið skynsamlega ákvörðun enda vart öllu lengur vært í starfi.

Páll hættir sem útvarpsstjóri

Athugasemdir

[Axel Jóhann Hallgrímsson, 17.12.2013 kl. 13:14]

Á ráðherrann sem fyrirskipaði niðurskurðinn ekki að fjúka líka?

[Jósef Smári Ásmundsson, 17.12.2013 kl. 13:34]

Á ekki RÚV bara að fjúka Axel. Það gleymist alltaf að þjóðin er að borga þetta apparat gegn eigin vilja.Þetta er ekki spurning um hagsmuni starfsmanna RÚV gagnvart stjórnvöldum heldur hagsmuni þjóðarinnar gagnvart tilvist þessarar stofnunar.

[Axel Jóhann Hallgrímsson, 17.12.2013 kl. 13:54]

Er það vilji þjóðarinnar Jósef?

[el-Toro, 17.12.2013 kl. 14:35]

ég tel það nú ekki vilja allrar þjóðarinnar að rúv verði lagt niður.

rétt athugað hjá Axel, ef fólk er reitt yfir því sem gerst hefur fyrir rúv, bæði stofnunina og starfsfólkið.....þá á að horfa til þess hvaðan ákvarðanirnar eru teknar.

þetta með að væla yfir Páli, er eins og að kenna bönkunum um bankahrunið...

[Jósef Smári Ásmundsson, 17.12.2013 kl. 17:30]

Stór hluta hennar Axel. Þetta er svona svipað og skylda alla þjóðina til að kaupa morgunblaðið. Ég er nú svo skrýtinn að ég tel að fólk eigi sjálft að ráða því hvaða útvarps-,sjónvarpsstöð nú eða aðra fjölmiðla það er áskrifandi að. Þið búið ekki í Sovétríkjunum annó 1980 heldur lýðræðislegu ríki sem heitir Ísland og árið er 2013.

[Ármann Birgisson (IP-tala skráð) 17.12.2013 kl. 23:49]

Sammála Jósef.