Er nýr Álftanesvegur gróðabrall?

Í DV í dag er greint frá nýrri hlið deilunnar um vegagerðina í Gálgahrauni: „Engeyingar stórgræða á nýjum Álftanesvegi: fjölskylda fjármálaráðherrans á land sem liggur að vegi um Gálgahraun“.

Ef rétt reynist þá er skiljanlegur allur hasarinn sem fylgt hefur þessari deilu og það ofurkapp sem lagt hefur verið í að framkvæma fyrst og spyrja síðar hvort rétt hefði verið að leggja út í þessa framkvæmd.

Stjórnvöld hafa hagað sér eins og staurblint aufturhald. Reynt er að brjóta niður alla mótspyrnu með hörðu án þess að minnsta tillit sé tekið til annarra hagsmuna. Mannréttindi jafnvel brotin og Íslandi þokað í átt til fasisma.

Sjálfsagt munu miklar umræður hefjast í kjölfar þessarar deilu um hraunið. Nú hefur það verið stórskemmt af einbeittum ásetningi með að vegurinn skuli lagður hversu mikil skynsemi kann að vera í því.

Og sjálfsagt munu vindar gnauða um Garðabæinn í allan vetur og ýmsum þótt nóg af því góða. En hvernig þetta gróðabrall fer skal ósagt látið.

Sumir eru tilbúnir að selja ömmu sína ef þeir mega græða. 

Eiga von á bótakröfu vegna tafa

Athugasemdir

[Brynjólfur Þorvarðsson, 23.10.2013 kl. 12:23]

Samkvæmt Mogganum og DV liggur nýi vegurinn hvergi inn á land Selskarðs sem er í eigu Engeyinga. Það mun samkvæmt DV hafa verið aðalatriðið hjá Bjarna Ben þegar hann sat í skipulagsnefnd Garðabæjar, að koma í veg fyrir að vegurinn lægi um Selskarðsland.

Gróðinn hjá Engeyingum liggur víst í því að það á að skipuleggja byggð á landi Selskarsð, 5000 til 6000 manna byggð, og ef vegurinn hefði legið yfir landið hefði gróðinn orðið minni af þeirri íbúðabyggð.

En er vegurinn jafnframt forsenda þessarar íbúðabyggðar? Þá fyrst er málið orðið dagljóst: án vegarins er enginn gróði. Skilja má á DV að Bjarni Ben fær í sinn hlut 1/3 af gróðanum sem gæti auðvitað hlaupið á milljörðum.

[Guðjón Sigþór Jensson, 23.10.2013 kl. 15:57]

Er þá ekki svo að skilja Brynjólfur að þeir Engeyjarmenn hafi viljað hámarka byggingagróðann með því að hafa veginn að öllu leyti utan Selskarðsland en í landi Garðabæjar?

[Guðmundur Ásgeirsson, 23.10.2013 kl. 17:03]

Eru þetta ekki mútur?

[kristinn geir steindórsson briem (IP-tala skráð) 24.10.2013 kl. 08:43]

veigir engeyjarættarinnar liggur víða helt að vinstristjórn hafi verið við völd í um 6.ár helt að enyngeiíngar réðu litlu þar enn það er gott að vita af því að þeir ráða í flestum flokkum

[Guðjón Sigþór Jensson, 24.10.2013 kl. 23:02]

Vinstri stjórn Jóhönnu var frá 1.2.2009 og þangað til ríkisstjórn Sigmundar Davíðs tók við s.l. vor eða rúm 4 ár, ekki 6 ár eins og Kristinn Geir telur ranglega.

Sennilega mun þessi ríkisstjórn fá mun betri ummæli sögunnar en úrtölumenn og aðrar Gróur á Leiti telja.