Hvers vegna má Jón Baldvin ekki flytja fyrirlestra í Háskóla Íslands?

Jón Baldvin á sér marga stuðningsmenn og fleiri sem átta sig á þeirri lögleysu að koma í veg fyrir að hann flytji fyrirlestra.

Orðið er og verður frjálst. Hver tilhneyging til að koma í veg fyrir eðlilega umræðu í samfélaginu er ekki í þágu lýðræðis.

Það er gjörsamlega óþolandi að lagðir séu steinar í götu frjálsrar umræðu á Íslandi. Eftir bankahrunið hefur því miður orðið sífellt meira áberandi að vissir hagsmunaaðilar í samfélaginu vilja útiloka frjáls umræðu og beina henni inn á brautir einræðis og þröngsýni.

Dæmi um það er t.d. ótrúleg framganga sumra aðila í samfélaginu gegn skynsamlegri læausn Icesavemálsins á sínum tíma. Nú hefur Morgunblaðið staðfest 6. þ.m. að þessi fjandskapur út í ríkisstjórn Jóhönnu Sigurðardóttur á sínum tíma vegna Icesave var algjörlega út í hött. Nær 600 milljarðar hafa skilað sér úr þrotabúi Landsbankans, langt umfram sem svörtustu útreikningar kváðu á um. Tilgangurinn var auðvitað sá að grafa sem hraðast undan trausti þeirrar ríkisstjórnar.

Nú er komin ný og allt önnur ríkisstjórn sem með einhliða ákvörðun vill útiloka alla umræðu um Evrópusambandið án þess að spyrja þing eða þjóð. Hver er lýðræðishugmynd þessara manna?

Orðið er og skal ætíð vera frjálst. 

Jón Baldvin skoðar málshöfðun

Athugasemdir

[Jósef Smári Ásmundsson, 11.9.2013 kl. 15:22]

Ég hef persónulega ekkert á móti Jóni Baldvini.En mér er spurn.Getur hver sem er flutt fyrirlestra í Háskólanum?Þurfa menn ekki að vera menntaðir kennarar?

[Guðjón Sigþór Jensson, 12.9.2013 kl. 07:37]

Jón Baldvin var mjög lengi kennari og skólameistari á Ísafirði þannig að hann er með kennsluréttindi.

Varðandi HÍ þá eru margir í tímabundnum störfum við kennslu og fleira.