Hefjum samgönguskógrækt

Sennilega er það eina sem unnt er að gera í þessum málum að hefja stórfellda skógrækt til samgöngubóta. Þá dugar ekki minna en a.m.k. 100 metra breiða rönd áveðurs meðfram vegi. Í fyrstu þarf að leggja áherslu á fljótsprottnar trjátegundir, víði, aspir og birki. Síðan þarf að koma upp skjóli, t.d. úr vörubrettum og afgangstimbri. Síðan þarf að leggja áhersu á vindþolnar tegundir eins og greni. Því verði plantað í skjóli af öðru en fyrstu árin er grenið viðkvæmt t.d. vegna skafrennings.

Á Snæfellsnesi, undir Hafnarfjalli, Esju, Eyjafjöllum, Öræfajökli og sums staðar á suðausturlandi eins og í Hamarsfirði eru varhugaverðar vindhviður. Draga má vel úr þessari hættu með skógrækt.

En það er eins og að reyna að tala við steininn þegar minnst er á skógrækt á Íslandi. Því miður telja margir skógrækt vera til að eyðileggja útsýnið, rétt ein og hugmyndir um skógrækt gangi út á að byrgja mönnum sýn. Svo er ekki. Markmið skógræktar er að bæta landið og auka verðmæti þess. Í ljós hefur komið að með skógrækt má flýta vexti og þroska í kornrækt. Skógrækt má einnig efla með beit búfjár í huga. Fjallshlíðar má víða klæða skógi þar sem búfé gæti lifað mun betra lífi en uppi á afréttum þar sem meiri voða er að vænta. Þannig má lengi telja.

Því miður líta margir á skóg og skógrækt með fyrirlitningu. Þeir vilja óheft útsýni en þá væntanlega varhugaverðan storminn sem óbeislaður getu á örfáum sekúndum bakað miklu tjóni.

Hefjum skógrækt til að bæta samgöngur. Gott er að byrja strax í vor. Við getum kannski vænst árangurs eftir áratug en eftir það sannar skóglendið smám saman gildi sitt í baráttunni gegn storminum.

Góðar stundir!

40 m/s undir Hafnarfjalli og Eyjafjöllum

Athugasemdir

[V.Jóhannsson (IP-tala skráð) 2.12.2012 kl. 15:16]

Hvað meinar þú með, að klæða fjallshlíðar skógi og ætlar þú svo að hleypa fénu í skóginn. Fé étur allann nýgræðing jafn óðum og það er marg reynt að skógur og fé á ekki saman. Sjáðu hálendi Skotlands og Írland sem dæmi. Þar á skógur margfallt betra uppdráttar en á Íslandi, en samt sérðu ekki græðling, þar sem fé er, enda allt haft í stórum hólfum innan girðingar.

Ég er mjög hlyntur skógrækt og íslendingar hefðu mátt vera byrjaðir fyri alvöru á skógrækt fyrir ára, ára tugum síðan, en eins og þú veist, þá hafa íslendingar aldrei verið sammála um nokkurn skapaðan hlut.

Skógrækt og skógrækt er ekki það sama. Blandaður skógur er lang bestur í Íslandi og þá sérstaklega fyrir lífríkið, en ræktun á greni og öðrum barrtrjám er engöngu hugsað sem nytjaskógur og þar gilda allt aðrar reglur. Oft eru greniskógar kallaður "ógresi" því að í þeim skógum þrífst nánast ekkert líf.

[Guðjón Sigþór Jensson, 2.12.2012 kl. 18:09]

Þakka þér VJ.

Auðvitað verður að halda fénaðinum utan nýræktarinnar fyrstu 10-20 árin. Eftir það eru slíkir beitarskógar mjög mikilvægir.

Auðvitað er blandskógur bestur en vegna stormsins þá er æskilegt að rækta sem mest af greni enda er það mjög stormþolið. Eiginlega má sama segja um birkið einkum það kræklótta.

Sammála þér um sundurlyndi landa okkar.