Uppblásinn fréttaflutningur

Óli Björn hefur lengi verið þekktur fyrir göslarahátt í skrifum sínum.

Greinilegt er að nú hyggst hann ná forskoti á aðra frambjóðendur í væntanlegu prófkjöri. Það þykir vera vænlegt að skamma ríkisstjórnina og draga hvert mál í þann búning sem hæfir í ævintýri H.C.Andersens þar sem nokkrar fjaðrir urðu að hænsnahóp.

Ríkisstjórnin hefur átt í miklum önnum við að hreinsa til eftir frjálshyggjupartíið í boði Sjálfstæðisflokksins. Þar er margs að gæta og þarf að velta öllum steinum. Ríkisendurskoðun hefur staðið sig að mörgu leyti mjög vel en í þessu máli er staðan nokkuð krítísk þegar bræður þrír koma þar við sögu, ríkisendurskoðandinn sjálfur og bræður hans sem sitja hvor sínum megin við borðið.

Að Óli Björn reyni að grafa undan formanni fjárlaganefndar er klækjabragð af hans hálfu. Hvort það takist skal ósagt látið en formaðurinn er varkár í störfum sínum þó hann mætti vera orðvarari sem er góður kostur sem flestir þingmenn mætti prýða.

Einhverju sinni kvað Sigurður Líndal að hlutverk sitt væri að forða þjóðfélaginu frá lélegum lögfræðingum. Því miður tókst honum það ekki. Lélegir þingmenn og þingmannsefni er fullmikið af því góða.

Góðar stundir.

Pólitísk atlaga að Ríkisendurskoðun

Athugasemdir

[Ingibjörg Guðrún Magnúsdóttir, 3.10.2012 kl. 11:48]

Eftir situr spurningin hvað hefur töfin á þessari skýrslu með það að gera að aukafjárlögin vill Björn Valur ekki að Ríkisendurskoðandi fái að sjá...

Er eitthvað þar sem Ríkisendurskoðandi gæti gagnrýnt...

Þessi tímasetning hjá honum Birni Val er eitthvað ekki í lagi og af hverju var hann bara einn með þessa skýrslu og það í einhvern tíma virðist vera...