Hefur hluti þjóðar fylgt í blindni?

„Blindur leiðir blindan“ segir gamalt orðatiltæki og er það ágætt eins langt og það nær. Hins vegar er afar slæmt þegar blindur maður á raunveraleikann dregur hluta þjóðar sinnar áfram í blekkingum.

Ákvörðun forseta um að skjóta Icesave tvívegis í þjóðaratkvæði var ekki byggt á hyggindum né réttu mati á raunverulegri stöðu mála. Ákvörðunin var byggð meira á tilfinningalegum rökum fremur en ískaldri raunsæi.

Að ákveða að sitja sem fastast bendir til að Ólafur Ragnar hafi gaman af valdinu. Hann er sennilega einn fremsti fræðimaðurinn í valdinu, hvernig það þróaðist og hvaða möguleikar það hefur fyrir þá sem það hafa.

Hæsti punktur á ferli Ólafsr Ragnars er að baki. Erfitt kann að vera fyrir hann að taka ákvarðanir í samræmi við það sem á undan er gengið. Hyggst hann halda áfram að leiða stjórnarandstöðuna gegn meirihluta þingsins? Eða hyggst hann sitja á strák sínum þegar kemur til erfiðra mála?

Hyggllegra hefði verið að hætta leik þegar hann stendur sem hæst.

Góðar stundir!

Forsetinn: Þjóðin hefur fylgt mér

Athugasemdir

[Haraldur Haraldsson, 4.3.2012 kl. 20:51]

Guðjón er það ekki "Haltur leiðir blindan" það hefi ég bara heyrt !!!!!7Kveðja

[Guðjón Sigþór Jensson, 5.3.2012 kl. 10:09]

Jú þú hefur rétt fyrir þér enda þetta orðatiltæki eldra og rótgrónara. Hins vegar er ekkert því til fyrirstöðu að tveir blindir rati saman og leiði hvorn annan. Spurning hvort þeir sjái allar hindranir og geri sér grein fyrir öllum hættum, það er auðvitað spurningin. Og þegar tveir siðblindir aðilar taka sig saman, er þá von á góðu?