Uppfyllum Maastricht skilyrðin fyrst!

Margir kostir eru við það að Ísland tengist öðrum ríkjum Evrópu sem best. En ókostirnir eru auðvitað einhverjir og fram að þessu hefur verið talið að landbúnaðar- og sjávarútvegsmál sé þar stærsti þrándurinn í götu. Hagsmunaaðilar á þeim sviðum berjast hart gegn inngöngu og er það að ýmsu leyti skjiljanlegt. Spurning hvort það sé skynsamlegt rétt eins og hvort Ísland eigi að ganga í EBE.

Hvað sem öllu líður er frumskilyrði að við eigum að stefna á að fullnægja Maastricht skilyrðunum sem eru mjög einföld en mörgum þjóðum eins og Grikkjum allt að því óyfirstíganlegt: Hallalaus rekstur ríkissjóðs, viðráðandi skuldabyrði og lágmörkun dýrtíðar (verðbólgu).

Því miður eigum við enn töluvert í land og Grikkir og jafnvel Spánverjar, Portúgalir jafnvel enn lengra.

Aukin og sterkari tengsl við Evrópuþjóðir næst okkur eru okkur til mikillra hagsbóta. EFTA var okkur mjög hagstætt en mikil andstaða var á móti því á sínum tíma fyrir rúmum 40 árum. Nú eru breyttir tímar og von að skynsamlegar lausnir verði á þessum málum.

Versti kosturinn er að vera í lausu lofti. Þá getur verið að Ísland verði auðveldur skotspónn fjandsamlegri afla en EBE er okkur nú.

Góðar stundir!

Innganga í ESB undirbúin

Athugasemdir

[Vendetta, 2.11.2011 kl. 13:42]

Góð hugmynd. Við skulum leitast við að uppfylla skilyrði Maastricht-sáttmálans, en síðan skulum við ekki ganga í ESB.

Við getum sjálf komizt upp úr kreppunni, en ekki með núverandi ríkisstjórn við völd. Það þarf nýtt fólk í brúna, nýjan ábyrgðarfullan þingflokk, sem höfðar til óbreyttra borgar og sem hvorki vinnur fyrir ESB né fjármálafyrirtækin.

[Vendetta, 2.11.2011 kl. 13:43]

"... sem höfðar til óbreyttra borgara ..."

[Guðjón Sigþór Jensson, 2.11.2011 kl. 18:01]

Auðvitað höfum við komist fyrr frá hremmingunum einmitt með þessa ríkisstjórn! Hún þurfti ekki að far eftir fyrirmælum neinna hagsmunaaðila sem hafa haft pólitíkusa í vasanum og greitt þeim offjár í kosningasjóði og aðrar sposrslur.

Hvernig heldurðu að Guðlaugur Þór hefði verið sem ráðamaður eftir hrunið, maður sem þáði tugi milljóna í kosningasjóði sína?

Auðvitað eigum við að ganga alla leið ef það telst okkur hagstætt. Sem neytenda myndi eg fagna inngöngu í ESE.

[Vendetta, 2.11.2011 kl. 18:31]

Það telst okkur ekki hagstætt að ganga í ESB. Allt mælir á móti því.