Skammsýni ungliða Sjálfstæðisflokksins

Á Íslandi hefur þróast mikið og að mörgu leyti mjög merkilegt menningarlíf. Gríðarleg starfsemi tengist því. Að hætta öllum fjárstuðningi við Sinfóníuhljómsveit Íslands væri alvarlegt tilræði við menningarlífið á Íslandi. Hvað yrði næst? Einkavæðing og meiri einkavæðing?

Sjálfstæðisflokkurinn hefur leitt þjóðina langleiðina til glötunar. Hann kappkostar að grafa sem mest úr öllu viðreisnarstarfi eins og það sé einkamál hans. Ekki má endurskoða stjórnarskrána nema gegnum blind gleraugu einkavæðingarmanna í Sjálfstæðisflokknum. Ekki má breyta Stjórnarráðinu enda ruglar það allar hugmyndir þeirra um helmingaskiptastjórn við Framsóknarflokkinn sem byggst hefur á spillingu og blekkingum.

SUS mætti gjarna vera útlistað: Skammsýni ungliða Sjálfstæðisflokksins.

Góðar stundir en án vondra hugmynda SUS!

Mosi

SUS fagnar mögulegu verkfalli Sinfóníunnar

Athugasemdir

[Alli (IP-tala skráð) 5.10.2011 kl. 23:13]

Mikið er ég sammála þér

[Lúðvík Júlíusson, 6.10.2011 kl. 08:55]

ég er sammála því að það hefði verið betra að nota peningana í mýkri mál í staðinn fyrir að hella þeim í steinsteypu.

Í mínum huga er þetta spurning um tímasetningu og forgangsröðun og betra hefði verið að fólk hefði verið ofar steinsteypunni í þessu máli.

[Guðjón Sigþór Jensson, 6.10.2011 kl. 12:53]

Í hálfa öld æfði og spilaði Sinfónían okkar í húsnæði sem alla tíð var vitað að yrði til bráðabirgða. Nú er húsið risið og nánast fullbúið. Vilja SUS menn að grafa enn undan rekstrargrundvelli þess?

Mjög líklegt er að bjartsýnustu hugmyndir verði að raunveruleika innan tíðar: Tónlistarhúsið er þegar orðið þekkt og komið á kortið. Nú má reikna með auknum straumi ferðamanna m.a. vegna starfseminnar í húsinu, einnig yfir vetrartímann sem ekki veitir af.

Góðar stundir!

Mosi