Umsögn umdeildasta háskólakennarans

Afturhaldsmaðurinn er við sama heygarðshornið. 

Einhver hefði í sporum Katrínar Jakobsdóttur, núverandi menntamálaráðherra haft sem forgangsverkefni að hreinsa Háskóla Íslands af þessari óværu. Aðspurð kvaðst hún hafa fremur viljað að háskólayfirvöld hefðu sjálf tekið af skarið eftir dómsmál um höfundarrétt þar sem fjölskylda Halldórs Laxness fór í mál við hægrimanninn sem taldi sig vera í fullum rétti að hagnýta sér höfundarrétt sem öðrum tilheyrði.

Þessi afstaða er eðlileg enda á æðra stjórnvald ekki að grípa fram fyrir hendurnar á lægra stjórnvaldi jafnvel þó ákvörðun þess kunni að orka tvímælis en í þessu máli reyndi auðvitað á mannréttindi manns sem líklega á ekki auðvelt með að fá vinnu annars staðar, nema ef vera skyldi á Morgunblaðinu nú.

Um ráðningu Hannesar í HÍ var mjög mikið deilt á sínum tíma, m.a. á þingi. Voru áhöld hvort Sjálfstæðisflokkurinn hafi ekki beitt Háskólann sérkennilegri valdníðslu. Það var nefnilega svo að á þeim tíma þegar HHG var troðið með pólitísku valdboði í Félagsvísindadeild, voru aðrar óskir um fjárveitingu til HÍ vegna annarra brýnni verkefna. Rökstuðningur þáverandi menntamálaráðherra Sjálfstæðisflokksins voru þau að allt of margir vinstri menn væru við kennarastóla þar! Með sömu rökum hefði mátt fjölga vinstri mönnum við aðrar deildir Háskólans sem þekktastar eru fyrir hægri menn og íhaldsskoðanir.

HHG er ekki þekktur fyrir viðurkenndar vísindalegar aðferðir í störfum sínum. Hann afber viðhorf og kenningar þýska félagsfræðingsins Max Webers um hlutleysi vísindamannsins til viðfangsefna sinna. HHG gefur sér alltaf niðurstöðuna fyrirfram sem yfirleitt alltaf byggist á skoðunum og viðhorfum mjög íhaldssömum og allt að því ólýðræðislegum. Síðan færir hann rök fyrir máli sínu andstætt aðferðafræði venjulegra vísindamanna.

Mosi

Undrast að Bandaríkin skuli ekki gæta skjala betur

Athugasemdir

[Björn Birgisson, 5.12.2010 kl. 13:54]

Nú færðu ekkert jólakort frá HHG!

[Guðjón Sigþór Jensson, 5.12.2010 kl. 14:00]

Sæll Björn. Færð þú jólakort frá HHG? Hef ekki sóst eftir þeim enda kæri eg mig ekki um þau. Mér finnst alveg nóg að borga skatta gegnum árin og Sjálfstæðisflokkurinn hefur skyldað mig sem aðra skattgreiðendur að borga þessum áróðursmanni kaup.

Hefði viljað sjá þeim fjármunum betur varið í eitthvað þarflegra eins og t.d. að rækta landið okkar sem víða er enn í tötrum.

Mosi

[Björn Birgisson, 5.12.2010 kl. 14:10]

Við HÍ starfar auðvitað fólk með ólíkar skoðanir, en vissulega sker HHG sig verulega úr. Passar ekki inn í þá mannflóru. Ætti frekar að vinna á Mogganum eða fyrir þingflokk þeirra sjálfstæðismanna. Eða leggjast í skúringar, uppvask og gluggaþvott hjá idolinu sínu!

[Guðjón Sigþór Jensson, 5.12.2010 kl. 14:22]

Góð hugmynd. Það þarf auðvitað að skúra og þrífa hvarvetna, nauðsynleg störf sem öllum er hollt, líka forréttindamönnum á borð við HHG sem fær Sjálfstæðisflokkinn til að fara út í vafasamt ævintýri af og til okkur hinum til storkunar.

Mosi

[Vendetta, 6.12.2010 kl. 15:28]

Ég veit ekki hvort það séu fleiri hægrimenn en vinstrimenn í H.Í. þegar allar deildir eru skoðaðar sem heild. En það er staðreynd, að það eru allt of margir femínistar í H.Í., og þá aðallega í félags"vísinda"deild. Það er brýnt verkefni að stöðva femínistavæðinguna í íslenzku þjóðfélagi og Háskóli Íslands er kjörinn staður til að byrja úthreinsunina á femínistum. Síðan kemur röðin að ríkisstjórninni, Alþingi og félagsþjónustudeildum um land allt. Þannig verður komið í veg fyrir frekari bruðl, heimskulegar ákvarðanir, vítaverð vinnubrögð og valdníðslu gegn almenningi.

[Guðjón Sigþór Jensson, 9.12.2010 kl. 20:44]

Femínistar hafa ekki truflað mig en auðvitað verður að gæta hófs í öllu.

Er annars ekki kominn tími hjá þér Vendetta að draga ofan síðhöttinn og birta skoðanir þínar undir réttu nafni?

Mér finnst alltaf betra að vita við hvern/hverja eg er að spjalla.

mosi

[Vendetta, 9.12.2010 kl. 20:49]

Nei, ég held ekki.

[Guðjón Sigþór Jensson, 9.12.2010 kl. 21:10]

Ef samviskan er í lagi þurfa menn aldrei að skammast fyrir skoðanir sínar. Hvet þig eindregið að taka ofan síðhöttinn og birta undir réttu nafni enda skil eg ekki hvers vegna menn vilja dyljast nema af einhverjum ástæðum sem kunna að vekja grunsemdir um eitthvað sem miður er.

Mosi

[Vendetta, 10.12.2010 kl. 02:08]

Ég hef áður útskýrt tvisvar eða þrisvar á bloggsíðum hvers vegna ég skrifa undir nafnleynd. Ég er frjálsari þannig án þess að ættingjar eða vinnufélagar séu í sífellu að jagast í manni yfir einhverju sem maður hefur skrifað. En þar eð ég skrifa undir nafnleynd (það gera líka margir aðrir), þá verð ég bara að gæta þess, að skrifa ekki neitt sem varðar við meiðyrðalöggjöfina.

Hins vegar áskil ég mér fullan rétt til að gagnrýna stjórnmálamenn og embættismenn út frá gjörðum þeirra (eða misgjörðum), einnig aðrar forréttinda- og valdastéttir í þjóðfélaginu og allt annað sem mér finnst miður. Eða hrósa þeim sem hafa (að mínu áliti) staðið sig vel.

Ókosturinn við að koma ekki fram undir nafni er að maður getur ekki lengur tengt bloggið sitt við fréttir á mbl.is eins og áður var hægt, þannig að það eru mjög fáir sem lesa mín blogg (í mesta lagi bloggvinir), sem er ástæðan fyrir því að ég blogga svo sjaldan. Hins vegar skrifa ég oft athugasemdir á bloggsíðum annarra, ekki til að auglýsa sjálfan mig, heldur af því að ég get ekki hætt því. Af þessum sökum hef ég stundum verið kallaður hrææta eða gauksungi og þaðan af verra.

[Guðjón Sigþór Jensson, 10.12.2010 kl. 20:04]

Mér þykir leitt en af hvers ástæðum getur þú ekki tjáð skoðanir þínar án síðhattarins og dulbúningsins?

Eg vona eg þurfi seint að skammast mín fyrir skoðanir mínar en er ætíð tilbúinn að endurskoða afstöðu mína ef mér hefur orðið á í messunni.

Mosi

[Vendetta, 10.12.2010 kl. 22:58]

Nei, Guðjón, ég skammast mín aldeilis ekki fyrir mínar skoðanir, síður en svo.

En svo að við víkjum aftur að Hannesi: Það á ekki að losa sig við hann vegna skoðana hans. Alls ekki. Hins vegar ef hann er ekki starfinu sínu vaxinn eða var ráðinn ólöglega, þá þarf að losna við hann. En þá legg ég til að fleiri tugir annarra embættismanna (t.d. aðstoðarmenn ráðherra, dómarar og fl.) sem voru pólítísk ráðnir eða gegnum tengsl verði reknir þegar í stað. Því að þeir eru ein birtingarmynd spillingarinnar.

Því að það er ekki Hannes, sem er vandamálið í Háskóla Íslands, heldur öfgafemínisminn (sem einnig tröllríður íslenzka þjóðfélaginu). Það er róttækur steinsteypufemínismi (sem á ekkert skylt við jafnrétti) sem er meinið í H.Í.

Hér eru mínar tillögur að öfgafemínistalausum og skilvirkum háskóla:

1. Reka femínistann Katrínu Jakobsdóttur sem menntamálaráðherra
2. Reka femínistann Kristínu Ingólfsdóttur sem rektor H.Í.
3. Leggja niður kvenna- og kynjafræðinámið undireins og síðan Rannsóknarstofu í kvenna- og kynjafræðum strax eftir helgi. Þessi "fræði" eru gervivísindi, sem eiga ekkert erindi innan veggja háskóla. Ég er viss um Kvöldskóli Hjallastefnunnar geti fengið að bjóða upp á svona kynjanámskeið.
4. Aftengja Jafnréttisnefnd H.Í. við Femínistafélagið  . Jafnrétti á að útfæra þannig að allir umsækjendur um ráðningu, sem uppfylla auglýsta lágmarkskröfur, séu teknir til viðtals og síðan sé hæfasti einstaklingurinn ráðinn, óháð kyni. Kynjakvótar auka ójafnrétti í stöðuveitingum alveg eins og pólítískar ráðningar. Það á ekki að vera sérstök "hæfni" að vera kvenkyns.
5. Það á að  draga úr öllum kynjafræðilegum ráðstefnum og annarri starfsemi sem byggir á gervivísindum innan félagsvísindadeildarinnar og leggja meiri áherzlu á alvöru vísindi. Styrkja þarf raunvísindadeildina verulega.

Ég veit að þú ert ósammála mér, og það er líka allt í lagi. En ég stend við þessar skoðanir og mun verja þær með klóm og kjafti til síðasta blóðdropa. Ef við diskúterum þetta mjög mikið og lengi, þá endar það liklega með að ég stofna félagasamtökin AFS (Andfemínísk samtök).