Sjálfsögð rannsókn á braskinu

Bankahrunið verður að öllum líkindum seint fullrannsakað.

Þessi rannsókn dregur vonandi sitt hvað fram sem ekki hefur áður verið ljóst.

Eitt furðulegasta málið tengist einkavæðingu Jarðborana á sínum tíma, breytingu Íslenska hlutabréfasjóðsins sem síðar varð almenningsfyrirtækið Atorka, sem MP banki tengdist mjög gegnum hlutabréfaeign MP í Jarðborunum. Síðan var stofnað Geysir Green Energy (átti kannski að skilja það sem Geysir grínorka?). Öll þessi fyrirtæki voru í almenningseigu og lífeyrissjóðanna að verulegu leyti sem töpuðu öllum sínum hlutabréfum í hruninu. Allt í einu er sænska skúffufyrirtækið Magma Energy en forstjóri þess á Íslandi er sá sami og var forstjóri Geysis grín.

Um þetta mál var ritað á: http://www.smugan.is/frettir/nr/3654

Þar er bent á dularfull tengsl bræðranna Árna og Þorsteins Sigfússona.

Það verður einnig mjög fróðlegt að sjá hvernig viðbrögð fyrsta flutningsmanns þessarar annars ágætu tillögu þegar farið verður að skoða tildrögin að því af hverju fyrirtækið Atorka greiddi 1 milljón í kosnignasjóð hans fyrir nokkru. Nú eru mjög margir sem töpuðu umtalsverðum fjármunum í þroti þess félags en eigurnar lifa góði lífi meðal braskaranna.

Mosi

Rannsókn á starfsemi fjármálafyrirtækja lögð til

Athugasemdir

[Helgi Þór Gunnarsson, 7.10.2010 kl. 23:11]

Sæll Guðjón Sigþór, hvað segir þú um þá tilgátu mína að bankaránin byrjuðu þegar veðsetning kvótans var leifð? Mér finnst eins og allt bankasukkið hafa farið á stað þá!

Kær kveðja frá Eyjum.

[Guðjón Sigþór Jensson, 7.10.2010 kl. 23:27]

Jú mér finnst þessi kenning vera góð og gild meðan hún hefur ekki verið afsönnuð með rannsókn. Annars hefur alltaf verið mikil ásókn í lánsfé bæði til fjárfestinga og til að fjármagna eyðslu af einhverju tagi.

Kvótabraskið var strax umdeilt. Það var kannski í lagi þegar mönnum var úthlutaður kvóti til afnota en ekki til eignar. Vandinn var auðvitað sá að útgerðin hafði lengi fengið lánsfyrirgreiðslur í bönkunum gegn veð í þeim afla sem áætlað var að veiða á vertíðinni. Þannig var kannski byrjunin.

Svo þegar menn sáu tækifæri að gera kvótann að féþúfu, þá komst djöfullinn auðvitað í spilið. Menn - og sumar konur auðvitað líka sáu möguleika að hvarvetna mátti verða sér úti um gull og græna skóga. Framhaldið þarf auðvitað ekki að rekja nánar.

Bestu kveðjur og þakkir til Eyja

Mosi

[Helgi Þór Gunnarsson, 8.10.2010 kl. 00:29]