Vafasöm vegtylla

Að gera Ísland að alþjóðlegri miðstöð upplýsingaleka er vægast sagt vafasöm vegtylla að ekki sé meira sagt. Allar upplýsingar eiga að vera sem traustastar þar sem unnt er að sannafæra þær og staðfesta með haldbærum sönnunargögnum.

Á okkar tímum er hvað einna mest rætt um gegnsæi í stjórnsýslu, fjölmiðlum og upplýsingum. Um leið og gegnsæi verður minna þá er alvarlegt hættumerki um að stutt sé að réttarríkið sé í hættu. Við höfum reynt það grimmilega.

Eitt dæmi:

Fram til 2007 var unnt að lesa á heimasíðu Morgunblaðsins öll innherjaviðskipti með hlutabréf nánast um leið og þau fóru fram. Þetta var unnt með því að velja Viðskipti og Fréttir. Fyrir um 3 árum var Kauphöllin á Íslandi sett undir OMX í Stokkhólmi. Við þetta rofnaði tengslin og innherjar gátu gert nánast hvað sem þeim datt í hug án þess að viðskipti þeirra og umsvif með hlutabréf yrðu jafnáberandi. Þetta nýttu þeir sér ótæpilega og því fór sem fór. Litlu hluthafarnir uggðu ekki að sér, höfðu ekki neinar hugmyndir um stöðu mála og allt í einu varð allt of seint að losa sig við hlutabréf sem sum hver eru nú einskis virði.

Hefði ekki verið hyggilegra að þessar upplýsingar hefðu verið jafngegnsæjar og áður var?

Braskarnir náðu ótrúlegum árangri með fjárglæfrum sínum oft á ósvífinn hátt. Þarna hefði Morgunblaðið sem öflugur fjölmiðill á sviði viðskipta getað komið að góðu gagni til hagsmunagæslu allra sem málið varðar.

Umdeild alþjóðastarfsemi á ekki að vera velkomin á Íslandi fremur en eiturlyfjasalar og áþekkur rumpulýður.

Mosi

Wikileaks vill starfsemi sína til Íslands

Athugasemdir

[Júlíus Valsson, 4.2.2010 kl. 22:53]

Þessi frétt hlýtur að hafa verið lekið út

[Promotor Fidei, 5.2.2010 kl. 04:26]

Wikileaks stundar mjög vönduð vinnubrögð til að sannreyna áreiðanleika gagna áður en þau eru birt. Væri mikill fengur, og heiður, að fá þá hingað.

[Baldvin Björgvinsson, 5.2.2010 kl. 08:12]

Þetta er nú freka gömul frétt, hér er hún 4. des. á síðasta ári. http://www.svipan.is/?p=1858

[Guðmundur Benediktsson, 5.2.2010 kl. 10:15]

Mér finnst nú að wikileaks sé skör hærra, og meira en það, en eiturlyfjasalar og áþekkur rumpulíður.

[D. Gunnar (IP-tala skráð) 5.2.2010 kl. 11:15]

Ég læt mest trufla mig áhættuna sem fylgi því að hýsa viðkvæmar upplýsingar um áhrifaríka menn og stórveldi.