Einkennileg krafa - Bravó fyrir dómstólum landsins!

Getur fyrrverandi forstjóri krafist hárra launa eftir að hann lýkur störfum hjá fyrirtækinu og allt er komið í kaldakol? Hvað kemur manninum til að setja fram þessar háu kröfur sem ekki eiga sér neinar forsendur?

Viðskiptasiðferði á Íslandi hefur ekki verið upp á marga fiska. Allt of margir hákarlar hafa verið að höndla með fyrirtæki sem þeir virðast fyrst og fremst vilja koma á kaldan klaka fremur en að stýra þeim frá hruni. Baldur þessi er eins og útrásarvíkingarnir dekurstrákar úr liði Framsóknarmanna og Sjálfstæðisflokks sem virðast ekkert vilja kannast við þá miklu ábyrgð sem á þeim ber. Þessir flokkar öðrum fremur bera ábyrgð á einkavæðingu bankanna og þessu hrikalega bankahruni.

Þessir þokkapiltar hafa kappkostað að éta fyrirtækin að innan og skyrrast einskis að beita hverjum þeim aðferðum að koma sínu fram. Þeir nota erlenda leppa hvort sem þeir eru furstar í ríkjum múslima eða einhverra dularfullra breskra braskara eins og þennan sem gekk út úr Kaupþing bankanum með 280 milljarða. Hvaða gaur er þetta? Hefur hann komið við sögu hvítflybbaglæpa hjá Scotland Yard? Það skyldi þó aldrei vera.

Þessi fyrrum forstjóri Eimskipafélagsins sem lengi var nefnt Óskabarn þjóðarinnar ætti að kunna að skammast sín! Átti hann ekki meginsök á að hagur fyrirtækisins og hluthafas er nánast fyrir borð borinn og einskis virði?

Mosi

Eimskip sýknað af kröfu Baldurs

Einkennileg málsástæða

Þegar fyrirtæki stefna í þrot eiga þá fyrrum stjórnendur þeirra sem ábyrgð bera rétt á ofurlaunum fyrir alla vitleysuna?

Sigurður var virðulegur lögmaður sem kom fram hreinn og beinn í ýmsum þjóðmálum. Nú ver hann vitleysuna fram í rauðan dauðann og er það með öllu óskiljanlegt.

Siðferði í viðskiptum hefur því miður ekki verið upp á marga fiska í íslensku samfélagi. Hvítflybbaglæpir virðast hafa orðið gríðarlega miklir sem leitt hafa fjárhag allt of margra fyrirtækja út á hálan ís, jafnvel þau standa frammi fyrir gjaldþroti.

Réttargæsla Sigurðar í máli þessa forstjóra er mjög umdeild að ekki sé dýpra tekið í árina.

Mosi

Sigurður G: „Sérstakur dómur“ yfir Baldri