Versta niðurlægingin

Það er alvarlegt þegar einstaklingar taka líf sitt þegar ekki nein von er framundan.

Stígamót á mikið lof skilið fyrir baráttu undanfarinna áratuga að fletta ofan af þeirri skelfilegu niðurlægingu sem tengist vændi og öðru því tengdu. Því miður er ekki öllum þetta ljóst: Á tíma einkavæðingar og frjálshyggju þótti sjálfsagt að gera niðurlægingu kvenna að söluvöru og féþúfu. Og spillingin grasseraði á þessu sviði með vitund og vilja hægri stjórnmálamanna sem töldu ekkert vera sjálfsagðara.

Misneyting, misnotkun áfengis og jafnvel eiturlyfja og undirferli hafa átt sinn þátt til að koma þessari starfsemi af stað með velvild þeirra stjórnvalda sem litu ekki á þetta með neinni tortryggni.

Einkennilegt er að enginn bloggi um þetta viðkvæma efni, þrátt fyrir að frétt þessi njóti mesta athygli.

Mosi

Tvær nektardansmeyjar sviptu sig lífi

Stjórn Bankasýslu segi af sér!

Greinilegt er að markmið stjórnar Bankasýslunnar hafi verið að styrkja hagsmuni Framsóknarflokksins með því að ráða mann sem tók þátt í undirbúningi umdeildrar einkavæðingar á ríkisbönkunum.

Ef stjórn Bankasýslu ríkisins segir ekki sjálf af sér ætti að leysa hana þegar frá störfum og ógilda annarlega ákvörðun hennar við ráðningu í starf forstjóra Bankasýslu ríkisins. Þetta starf á ekki að vera á vegum Framsóknarflokksins, Sjálfstæðisflokksins né annarra flokka, heldur að vera hafið yfir pólitískt hagsmunapot sem átti meginþáttinn í bankahruninu.

Við megum ekki við fleiri áföllum eftir bankahrunið og miklir hagsmunir eru fyrir þjóðina að landinu verði aldrei aftur stjórnað af fámennri klíku valdamanna sem hafa hagsmuni heildarinnar ekki í fyrirúmi.

Góðar stundir.

Mosi

Segir ráðninguna hneyksli

Skammsýni ungliða Sjálfstæðisflokksins

Á Íslandi hefur þróast mikið og að mörgu leyti mjög merkilegt menningarlíf. Gríðarleg starfsemi tengist því. Að hætta öllum fjárstuðningi við Sinfóníuhljómsveit Íslands væri alvarlegt tilræði við menningarlífið á Íslandi. Hvað yrði næst? Einkavæðing og meiri einkavæðing?

Sjálfstæðisflokkurinn hefur leitt þjóðina langleiðina til glötunar. Hann kappkostar að grafa sem mest úr öllu viðreisnarstarfi eins og það sé einkamál hans. Ekki má endurskoða stjórnarskrána nema gegnum blind gleraugu einkavæðingarmanna í Sjálfstæðisflokknum. Ekki má breyta Stjórnarráðinu enda ruglar það allar hugmyndir þeirra um helmingaskiptastjórn við Framsóknarflokkinn sem byggst hefur á spillingu og blekkingum.

SUS mætti gjarna vera útlistað: Skammsýni ungliða Sjálfstæðisflokksins.

Góðar stundir en án vondra hugmynda SUS!

Mosi

SUS fagnar mögulegu verkfalli Sinfóníunnar

Gamla framsóknarklíkan styrkir völdin

Einkennilegt má það heita að vefsíða Morgunblaðsins hefur ekki enn birt frétt eða tilkynningu um að Páll Magnússon BA í guðfræði hafi verið ráðinn forstjóri Bankasýslu ríkisins. Páll þessi var í áraraðir tengdur innsta hring Framsóknarflokksins, var m.a. aðstoðarmaður Valgerðar Sverrisdóttur þá einkavæðingarpestin var einna verst eða þegar bankarnir voru einkavæddir sem aldrei hefði átt að gerast miðað við það sem á eftir gekk.

Mjög líklegt er að stjórn Bankasýslu ríkisins hafi ekki verið sammála um ráðningu meðal umsækjenda en þeir virðast allir hafa haft bæði betri og lengri menntun og starfsreynslu en Páll sem fram að þessu virðist ekki hafa komið nálægt starfsemi banka nema sem aðstoðarmaður Valgerðar. Kannski að stjórn Bankasýslunnar hafi því fremur valið þann versta meðal umsækjenda fremur en þann næst besta þá ekki var samhugur um að ráða þann allra besta. Ein af aðalpersónum Íslandsklukkurnar valdi fremur þann versta en næstbesta biðilinn eins og kunnugt er.

Ljóst er að ráðning Páls verður hvalreki á fjörur Framsóknarflokksins enda er hann margtengdur valdaklíkunni á þeim bæ.

Um þetta er fjallað í DV í dag sem allt hugsandi fólk um landsins gagn og nauðsynjar ætti að skoða.

Ljóst er að stjórn Bankasýslu ríkisins ætti að leysa þegar frá störfum og ógilda annarlega ákvörðun hennar við ráðningu í starf forstjóra Bankasýslu ríkisins. Þetta starf á ekki að vera á vegum Framsóknarflokksins, Sjálfstæðisflokksins né annarra flokka, heldur að vera hafið yfir pólitískt hagsmunapot sem átti meginþáttinn í bankahruninu.

Við megum ekki við fleiri áföllum eftir bankahrunið og miklir hagsmunir eru fyrir þjóðina að landinu verði aldrei aftur stjórnað af fámennri klíku valdamanna sem hafa hagsmuni heildarinnar ekki í fyrirúmi.

Góðar stundir.

Mosi

Hver skipuleggur?

Þegar mótmælt var aðgerðarleysi ríkisstjórnar Geirs Haarde komu mótmælendur á eigin forsendum með potta, pönnur og annað til að slá með. Nú endurtekur sig sagan að einhver hagsmunaaðili útvegar tugi tunna til að berja í. Hvaða aðili skyldi þetta vera? Og hverju er verið að mótmæla?

Mér finnst mótmæli vera góð og gild svo framarlega sem einhverjar góðar forsendur eru fyrir þeim og eins að þau fari fram án skrílsláta. Mótmælin við þingsetninguna voru fljótlega orðin að ómerkilegum skrílslátum sem eru engum til sóma.

Góðar stundir.

Mosi

Stilla upp tunnum á Austurvelli

Hvers vegna?

Hvers vegna var enginn fulltrúi Hæstaréttar viðstaddur setningu Alþingis á dögunum?

Er það í fyrsta sinn sem það gerist, að sögn Helga Bernódussonar, skrifstofustjóra Alþingis. Hann bætir við, að ástæður þess hefðu verið persónulegar.

Fróðlegt væri að fá nánari upplýsingar um hvaða persónulegar ástæður liggja að baki. Eða má ekki setja málið þannig upp að rík venja sé að Hæstiréttur sem stofnun, beri að senda fulltrúa sinn við setningu þingsins.

Ef eg væri þingmaður þá óskaði eg eftir opinberri skýringu á þessu. Það sýnist vera lítilfjörlegt en þarna var verið að víkja frá ríkri venju.

Góðar stundir!

Mosi

Fulltrúar Hæstaréttar mættu ekki

Áhrifalaus þingmaður

Mikil eftirsjá var að Atla þegar hann sagði sig úr þingliði ríkisstjórnarinnar. Mér hefur alltaf fundist mikið til Atla koma og var einn af þeim mörgu sem sáu eftir honum í hóp óánægðra gagnvart ríkisstjórninni.

Ljóst er að þingmaður sem stendur utan stjórnar verði áhrifalaus. Meðan ríkisstjórn heldur meirihluta, þá ræðst í nefndir eftir vilja þeirra sem með valdið hafa.

Kannski væri æskilegt að Atli endurskoði afstöðu sína og verði stuðningsmaður ríkisstjórnarinnar sem hefur mjög nauman meirihluta. Með því gæti hann breytt stöðu sinni innan þingsins frá því að vera áhrifalítill í að hafa áhrif.

Góðar stundir

Mosi

„Refsa mér fyrir að vera óþekkur“

Ábyrgð kapteinsins í brúnni

Þó svo að tveim liðum hafi verið vísað frá, þá stendur meginákæran gegn Geir Haarde eftir sem áður. Hann sýndi af sér ámælisvert athafnaleysi og sinnuleysi sem forsætisráðherra í aðdraganda hrunsins. Hann átti meginsökina að ekkert var aðhafst til að koma í veg fyrir bankahrunið.

Þó svo að Mosi sé ekki refsiglaður maður er þó deginum ljósara að koma hefði mátt í veg fyrir hrunið með nauðsynlegum björgunaraðgerðum í tíma. Taka átti tilboði Breta að vinda ofan af vitleysunni og grípa fram fyrir hendurnar á útrásarvörgunum áður en allt fór á versta veg. Þdeir fengu að féfletta samborgarna, hreins fyrirtækin og stofnanir að innan eins og engisprettur og skilja allt eftir í rústum. Geir hefur fram að þessu gefið í skyn að hann hafi ekkert vitað en sem sérfræðingur á sviði hagfræði átti honum að vera ljóst að ekki var allt með felldu. Hann er sérfræðingur á svið þjóðarhagfræði, menntun sem tiltölulega fáir hafa. Annað hvort er hann kæruleysið uppmálað eða gerir sér upp einhverja vankunnátta sem jaðrar við heimsku.

Ekki er ósennilegt að sagan dæmi Geir Haarde mun harðar en Landsdómur sem að öllum líkindum dæmir hann til málamyndarefsingar. Kannski Geir fái þann stimpil í sögu Íslands að vera einn lakasti forsætisráðherra landsins sem gerði ekkert til að koma í veg fyrir bankahrunið sem hann þó hafði möguleika að koma í veg fyrir.

Bankahrunið snertir hvern Íslending. Flestir töpuðu mestu á því að skuldir uxu hraðar en efni stóðu til enda hefur allt hagkerfið verið þanið út meðan Sjálfstæðisflokkurinn var við völd samfellt í 17-18 ár. Þá voru þúsundir sem töpuðu sparifé sínu í formi hlutabréfa og innistæðna sem erfitt er að gera kröfu um nú. Og tap lífeyrissjóða er gríðarlegt sem að öllum líkindum verður til þess að lífeyrisréttindi verða stýfð. Og margir hafa misst atvinnuna - allt í boði Sjálfstæðisflokksins!

Góðar stundir!

Mosi

Niðurstaða landsdóms áfangasigur

Fridsamleg motmaeli eda skrilslaeti?

Um leid og fyrsta egginu er kastad, breytast fridsamleg motmaeli i skrilslaeti sem eru engum til soma.

Godar stundir! Fyrirgefid ad eg er ekki i tolvu med islenskum stofum enda staddur i Skotlandi.

Godar stundir!

Mosi

,,Eggið hæfði mig á vondan stað"