Er réttarríki á Íslandi?

Í þessum móttmælum var opinberu valdi misbeitt alvarlega. Fasismi er skilgreindur þannig að þegar valdhafi misbeitir valdi sínu með lögreglu eða her til að berja niður andóf án þess að andstæðingar geti borið fyrir sig mannrettindi, þá er um fasisma að ræða. Daginn sem Ómar Ragnarsson og Hrauninir voru handteknir, vorum við Íslendingar mjög nærri fasisma.

Þessir mótmælendur voru að ógna hagsmunum lóðabraskara í Garðabæ og þar sem búið var að ákveða að hámarka gróðavon hans, þá var opinberu valdi misbeitt á þennan hátt. Mótmælendum var ekki sýnd nein miskunn heldur var lögreglu misbeitt á mjög óviðfeldinn hátt.

Í lýðræðissamfélagi er viðurkenndur réttur til að mótmæla og tjá sig opinbera um skoðanir sínar. Þetta fólk var ekki þarna í mótmælum til þess að vænta einhvers hagnaðar af andmælum sínum. Það vænti þess að dómstólar virtu rétt þess til mótmæla og hafa aðra skoðun en valdhafinn og lóðabraskarinn.

Nokkrir mótmælenda urðu fyrir meiðingum enda flestir á efri árum. Þeir urðu að sæta frelsissvipptingu klukkustundum saman. Það út af fyrir sig er næg ástæða til að skaðabótaskylda verði viðurkennd. Fasismi og ofbeldi af hendi valdhafa borgar sig aldrei.

Hraunavinir krefjast skaðabóta

Athugasemdir

[Ásgrímur Hartmannsson, 7.11.2014 kl. 15:00]

Fasismi: valdstjórnarstefna með þjóðernistón.

Auðkenni:

Sterkur leiðtogi með persónutöfra

Ítarlegar reglur um hagkerfið og fyrirtæki með áherzlu á fákeppni (af hagkvæmnisástæðum), ríkisstyrktur efnahagur

Hafna frelsinu (ítalskur fasismi) eða segja bara að frelsi sé að fara eftir reglunum (þýzkur fasismi)

Sterkt eftirlitskerfi (þess vegna eru fasistaríki oft kölluð lögregluríki)

[Guðjón Sigþór Jensson, 7.11.2014 kl. 18:19]

Þú ferð mjög nálægt þessu Ásgrímur. Við þurfum að vera á varðbergi gagnvart fasisma sem gæti einnig blossað upp hér. Er ástæða til að gjalda varhug við kaupum á umtalsverðu magni af gömlum vopnum frá norska hernum?

Þarf ekki sérstök lög um aukinn vopnaburð lögreglunnar, jafnvel ákvæði í stjórnarskrá?

Mér sýnist á öllu að kjánar ef ekki bjánar stjórni Íslandi í dag.

[ThinkDozer, 7.11.2014 kl. 21:32]

Næst mætir löggan með vélbyssur, kannski?

haha ég held ég sé að djóka en hver veit.