Versta niðurlægingin

Það er alvarlegt þegar einstaklingar taka líf sitt þegar ekki nein von er framundan.

Stígamót á mikið lof skilið fyrir baráttu undanfarinna áratuga að fletta ofan af þeirri skelfilegu niðurlægingu sem tengist vændi og öðru því tengdu. Því miður er ekki öllum þetta ljóst: Á tíma einkavæðingar og frjálshyggju þótti sjálfsagt að gera niðurlægingu kvenna að söluvöru og féþúfu. Og spillingin grasseraði á þessu sviði með vitund og vilja hægri stjórnmálamanna sem töldu ekkert vera sjálfsagðara.

Misneyting, misnotkun áfengis og jafnvel eiturlyfja og undirferli hafa átt sinn þátt til að koma þessari starfsemi af stað með velvild þeirra stjórnvalda sem litu ekki á þetta með neinni tortryggni.

Einkennilegt er að enginn bloggi um þetta viðkvæma efni, þrátt fyrir að frétt þessi njóti mesta athygli.

Mosi

Tvær nektardansmeyjar sviptu sig lífi

Athugasemdir

[Vendetta, 6.10.2011 kl. 16:19]

Vinkona mín fór einu sinni til Stígamóta vegna vandamála sem hún var í. Starfskona Stígamóta hjálpaði henni ekki neitt, heldur laug að henni, gerði síðan gys að henni og sendi hana burt.

Ég sá að það var söfnun fyrir Stígamót í Kringlunni um daginn. Ég gaf ekkert. Ég myndi frekar henda peningunum mínum í næstu öskutunnu en að gefa til Stígamóta.

[Guðjón Sigþór Jensson, 6.10.2011 kl. 16:26]

Leitt er að heyra Vendetta. Mér finnst að þessi félagasamtök hafi gert mjög mikið gagn.

Mosi

[Þóra Ingimarsd. (IP-tala skráð) 6.10.2011 kl. 22:24]

Ég er enginn bloggari en rak augun í þitt blogg og finnst frábært að þú skulir skrifa og vekja athygli á þessu málefni. Heyr heyr !!! - og líka gott að fá þetta viðhorf frá karlmanni, þar sem (því miður) alltof margir þeirra eru á þeirri skoðun að konur sem stunda vændi eða vinna sem dansmeyjar séu að gera þetta eingöngu af þeirri ástæðu að þær vilji það ! sem er alls ekki rétt

[Guðjón Sigþór Jensson, 6.10.2011 kl. 22:47]

Þóra sem og allir sem lesa kunna þetta blogg:

Mér finnst þessi mál vera hreint skelfileg, sérstaklega þegar um er að ræða umdeilda atvinnustarfsemi sem gengur út á að niðurlægja einstaklinga sem ekki virðast eiga sér neina málssvara. Mjög mikilvægt er að allir geri sér þetta ljóst. Leyfi eg mér að líta á þetta frá sjónarhóli félagsfræðinnar sem eins og hvers konar samfélagslega meinsemd sem best væri að uppræta. Því fyrr sem betra. En vændi á sér langa sögu. Líka á Íslandi. Því miður.

GJ