Stjórn Bankasýslu segi af sér!

Greinilegt er að markmið stjórnar Bankasýslunnar hafi verið að styrkja hagsmuni Framsóknarflokksins með því að ráða mann sem tók þátt í undirbúningi umdeildrar einkavæðingar á ríkisbönkunum.

Ef stjórn Bankasýslu ríkisins segir ekki sjálf af sér ætti að leysa hana þegar frá störfum og ógilda annarlega ákvörðun hennar við ráðningu í starf forstjóra Bankasýslu ríkisins. Þetta starf á ekki að vera á vegum Framsóknarflokksins, Sjálfstæðisflokksins né annarra flokka, heldur að vera hafið yfir pólitískt hagsmunapot sem átti meginþáttinn í bankahruninu.

Við megum ekki við fleiri áföllum eftir bankahrunið og miklir hagsmunir eru fyrir þjóðina að landinu verði aldrei aftur stjórnað af fámennri klíku valdamanna sem hafa hagsmuni heildarinnar ekki í fyrirúmi.

Góðar stundir.

Mosi

Segir ráðninguna hneyksli

Athugasemdir

[Rauða Ljónið, 6.10.2011 kl. 13:32]

Páll á bara að ganga í Vinstri Græna eða Samfylkinguna þá er málið dautt valdarklíka þar sér um það.

[Guðjón Sigþór Jensson, 6.10.2011 kl. 13:38]

Heldur Rauða ljónið að VG/Samfylkingin sé jafnspillt og Framsóknarflokkurinn eða Sjálfstæðisflokkurinn?

Ónei.

Mosi

[Axel Jóhann Hallgrímsson, 6.10.2011 kl. 14:10]

Þetta mál er orðið hið undarlegasta. Ég hélt fyrst þegar fréttir bárust af ráðningu Páls að hann hafi verið hæfastur og að við værum á leið út úr flokksskýrteinaráðningum. En það er vist ekki nóg að ríkisstjórn hafi góðan ásetning, embættismannakerfið hefur ekki sveigt af leið.

Það er misskilningur hjá rauða ljóninu að það drepi málið ef Páll gengur í VG eða Samfylkinguna. Það var ekki sú "klíka" sem skapaði vandann, var það? Ég sé rauða ljónið og andstæðinga ríkisstjórnarinnar fyrir mér argandi af illsku og við það að fara á límingunum ef "hæfasti umsækjandinn" hefði slysast til að vera VG eða Samfylkingarmaður og hvað þá ef svo hefði komið í ljós að hann var alls ekki hæfastur og umsóknarferlið allt unnið aftur á bak og í nafni einhvers fyrirtækis út í bæ.

[Rauða Ljónið, 6.10.2011 kl. 15:26]

Vinstri Grænir Samfylkinguna hafa þá ekki ráðin ein né neinn úr sýnum röðum í ráðuneytin það þá ný og óskrifuð saga eða goðsögn.

[Axel Jóhann Hallgrímsson, 6.10.2011 kl. 16:14]

Var einhver að halda því fram Rauða Ljón? Er ekki eðlilegt að ráðherrar hafi sitt fólk í kringum sig í ráðuneytunum, frekar en einhverja arfleifð frá fyrri ráðherrum, sem eru kannski í hjarta sínu andsnúið stefnu ráðherrans? 

Ég er þeirrar skoðunar að leggja eigi niður stöður ráðuneytisstjóra í núverandi mynd og ráðherrar komi með sinn ráðuneytisstjóra með sér, sem nokkurskonar aðstoðarráðherra, og sá hverfi svo á braut um leið og ráðherrann. 

Það er glórulaus stjórnsýsla að ráðuneytisstjórinn, yfirverkstjórinn í ráðuneytinu, sé pólitískur andstæðingur ráðherra og viðkomandi ríkisstjórnar, skipaður einhverjum áratugum fyrr.