Gamla lumman - en hvað með sameiningu lífeyrissjóða?

Undarlega oft er Vilhjálmur Egilsson í viðtali. Og alltaf er sama lumman á ferðinni rétt eins og gömul grammófónplata er sett í gang. Lengi var það gamla lagið að engin ástæða sé fyrir því að verkalýðurinn hafi of hátt kaup og enginn möguleiki á hækkun.

Svo þegar verið er að reyna að vinda ofan af þeim gríðarlega vanda sem kæruleysi Sjálfstæðisflokksins í aðdraganda hrunsins olli, þá eru allar hugmyndir sungnar í bann.

Auðvitað er vandi á höndum hvar bera eigi niður til að fjármagna lausnir. Þess má geta að einkavæðing bankanna leiddi til gríðarlegs eignataps lífeyrissjóða vegna hlutabréfa sem allt í einu reyndust vera einskisvirði vegna kæruleysis Vilhjálms og annarra forystusauða Sjálfstæðisflokksins og Framsóknarflokksins við einkavæðingu ríkisbankanna og í aðdraganda bankahrunsins.

Sameining lífeyrissjóða er það sem raunhæft er. Hvaða vit er að hafa tugi lífeyrissjóða þar sem við þess vegna gætum haft einn eða kannski tvo? Kerfið er einfalt: launþegar öðlast vissan rétt, yfirleitt 2% fyrir hvert ár sem þeir greiða í lífeyrissjóð eða að framlög þeirra verða metin til stiga sem ákvarða fjárhæð við töku lífeyris. Kannski mætti fara í sameiningarmál lífeyrissjóða jafnframt sem sá rekstrarkostnaður sem sparist, gangi tímabundið til vekefna sem hugmynd um tímabundna skattskyldu þeirra væri að ræða. Hvað segir Vilhjálmur um þá hugmynd?

Góðar stundir!

Skerðast lífeyrisgreiðslur?

Athugasemdir

[Rauða Ljónið, 10.12.2011 kl. 23:10]

VG mun aldei hætta að ræna Alþýðuna og færa fjármagnið til banka og aukýfinga svo einfallt er það.

[Hreinn Sigurðsson, 11.12.2011 kl. 01:28]

Það væri líklega betra að skerða lífeyrisrétt þeirra sem vinna hjá ríkinu en að ráðast að þeim sem borga í lífeyrissjóði

[Sigurjón, 11.12.2011 kl. 03:02]

Þessi setning að ofan er stórundarleg.  Er verið að halda því fram að ríkisstarfsmenn greiði ekki í lífeyrissjóðinn sinn?!

[Guðjón Sigþór Jensson, 13.12.2011 kl. 15:40]

Skil ekki hvað þú ert að segja með þessu „Rauða ljón“.  Hreinn: Hvernig má skilja fullyrðingu þína? Ertu kannski að gefa í skyn að ríkisstarfsmenn greiði ekki í lífeyrissjóð eins og aðrir launamenn?

Lífeyrissjóður starfsmanna ríkisins og sveitarstjórna er þokkalega vel rekinn en hvers vegna mætti ekki sameina þessa lífeyrissjóði saman í einn eða tvo? Með því mætti draga úr rekstrarkosntaði og hækka lífeyri sem ekki er of hár hjá allt of mörgum.