Hver er rökstuðningur málspjöllunnar?

Vigdís Hauksdóttir vekur athygli á sér orðið margsinnis. Þegar hún er ekki að nauðga gömlum og góðum orðatiltækjum kemur hún með þingmál sem líklega eru til þess fólgin að reyna að afla sér vinsælda.

Að hverfa frá mjög góðu fyrirkomulagi varðandi veitingu ríkisborgararéttar þá vill VH að Alþingi hafi ekkert með það að gera lengur, það verði alfarið verkefni Innanríkisráðuneytisins.

Nú er svo, að gott er að halda í fyrirkomulag sem reynst hefur vel. Alþingi hefur virkað sem eftirlitaðili með framkvæmdarvaldinu. Telur VH það vera til eftirbreytni að einn aðili þrígreinds ríkisvalds geti á forsvaranlegan hátt haft þennan hátt á?

Þessi hugmynd getur opnað varhugaverð fordæmi þar sem þrýstingur ráðherra geti orðið til þess að farið sé aftan að góðum reglum og venjum. Það gerðist einmitt í tíð eins Framsóknarráðherra ekki fyrir alls löngu. Sennilega er Vigdís Hauksdóttir búin að steingleyma þeirri furðulegu uppákomu.

Mosi

Ráðherra veiti ríkisborgararétt

Athugasemdir

[Halldór Björgvin Jóhannsson, 12.10.2011 kl. 23:08]

Þetta er vond hugmynd hjá henni í alla staði, býður einnig upp á auðveldari leið fyrir einstaklinga að kaupa sér ríkisborgararétt....

[Guðjón Sigþór Jensson, 13.10.2011 kl. 19:16]

Kannski að Framsóknarflokkurinn vilji hafa þetta eins og hjá Mafíunni? Þar er unnt að kaupa sér vernd og fyrirgreiðslu, auðvitað gegn greiðslu.

Mosi