Hvað kostar svona ævintýramennska?

Alla síðustu viku var vitað að gera mætti ráð fyrir versnandi veðri þegar líða tæki að helgi. Samt fara menn á vit ævintýranna, að vísu vel búnir að eigin sögn, en hvernig færi ef eitthvað færi úrskeiðis og öðru vísi verði en að er stefnt.

Fyrir um áratug var skipulögð ferð á vegum þáverandi stærstu ferðaskrifstofu landsmanna, Samvínnuferða-Landsýn með ferðahóp þvert yfir Vatnajökul. Vitað var um að veður færi versnandi og fyrirsjáanlegt snarvitlaust veður á fjöllum og jöklum þó um hásumar væri. Ferðahópurinn lenti í miklum hrakningum, eftirmál urðu og málaferli. Ferðaskrifstofan varð gjaldþrota og voru margir sem söknuðu þessa fyrirtækis. En fyrirhyggjan virðist hafa verið takmörkuð eða jafnvel engin.

Björgunarsveitir byggja fjárhagslega afkomu sína á umdeildri sölu flugelda sem bæði hafa mikla slysahættu í för með sér sem og mjög mengandi. Í öllum siðmenntuðum löndum eru björgunarsveitir með taxta fyrir aðstoð sem tryggir þeim að fá fyrir útlagðan kostnað og jafnvel eitthvað meira. Hérna á Íslandi er sami hugsunarhátturinn eins og hjá verstu afglöpum: „þetta reddast“!

Svona var staðið að einkavæðingu bankanna, sama kæruleysið og hugsunaleysið án þess að gera sér minnstu hugmynd um mögulega afleiðingu ef eitthvað fer úrskeiðis.

Æskilegt er að björgunarsveitir geri aðstoð upp fjárhagslega og semdi þeim aðilum reikning sem málið varðar eins og venja er erlendis.

Mosi

Sækja skíðamenn á jökul

Athugasemdir

[Daði Kolbeinsson (IP-tala skráð) 6.3.2011 kl. 21:16]

Í Bretlandi þar sem ég þekki til, er prinsipmál að taka aldrei fyrir björgun, hvorki á landi né sjó.

Á Grænlandi er ekki möguleiki að hafa "ókeypis" kerfi vegna fámennis og míkillar notkunar þyrlna við björgun  en þar er skylda fyrir útlendinga að kaupa sér tryggingu.

Gott væri að heyra hvaða lönd taka fyrir björgun og hver taxtinn er.

Daði

[Kalli (IP-tala skráð) 6.3.2011 kl. 21:17]

Þetta kostar amk ekki meira en þær æfingar sem björgunarsveitirnar okkar stunda hvort eð er all flestar helgar.