Farsæl fyrirtæki

Félag ferðaþjónustubænda og samtökin Beint frá býli eru vel að þessum viðurkenningum komin. Bæði hafa sýnt og sannað að þar er byggt á traustum grunni með framtíðarsýn í fyrirrúmi.

Sjálfur hefi eg haft langa og góða reynslu af Ferðaþjónustu bænda bæði sem viðskiptavinur eða kaupandi þjónustu sem og tímabundinn starfsmaður Bændaferða sem leiðsögumaður innanlands.

Erlendu ferðamennirnir eru mjög ánægðir með þá margvíslegu þjónustu sem bændur veita, hvort sem það er gisting og fæði eða ýms þjónusta eins og hestasýningar og sitt hvað fleira.

Ferðaþjónusta hefur því miður verið mjög vanmetin í íslensku samfélagi en er að sanna sig. Þar er starfið byggt á frumkvæði heimamanna og mikil atvinnusköpun fylgir. Ferðaþjónustan styrkir landsbyggðina enda verður arðsemin eftir að verulegum hluta í heimabyggð.

Mosi

Fengu landbúnaðarverðlaun

Athugasemdir

[Vendetta, 6.3.2011 kl. 18:30]

Ja, ég veit það að margir ferðamenn vildu frekar gista á góðu bónabýli en á fínu hóteli í borginni. Og þetta á ekkert síður um önnur lönd en Ísland.

[Vendetta, 6.3.2011 kl. 18:31]

Það átti að standa bóndabýli.

[Guðjón Sigþór Jensson, 7.3.2011 kl. 09:35]

Þakka þér Vedetta

M