Hvað varð um auðinn?

Þessi lánamál hafa verið efst á baugi undanfarnar vikur og þykir mörgum einkennilegt að hvorgi gengur né rekur. Hitt virðist gleymast hvar allur þessi auður er niðurkominn? Eru þessir bankareikningar í Bretlandi,Hollandi sem ætlast er til af okkur íslenskum skattborgurum að bera ábyrgð á, þannig fyrirkomið að allir sjóðir sem þeim tengjast meira og minna eða jafnvel gjörsamlega tómir? Hver ber ábyrgð á þessum hundruðum milljarða? Hvar er auðurinn? 

Mér finnst sem íslenskur skattborgari eiga kröfu á að íslensk stjórnvöld leiti aðstoðar Interpol til að hafa upp á þessum mikla auð.

Á undanförnum árum hefur verið töluvert um illa fenginn auð sem tengist ríkjum í Afiríku, t.d. Nígeríu. Þar er beitt þeirri aðferð að fá venjulega borgara til að taka þátt í peningaþvætti. Mér væri mikil forvitni á að vita hvar þessi mikli bankaauður er niðurkominn sem nú virðist hafa gufað upp.

Íslensk yfirvöld verða að grípa til allra þeirra ráðstafana sem unnt er til að finna hagkvæmustu leiðina til að draga sem mest úr því gríðarlega tjóni sem samfélag okkar hefur orðið fyrir.

Við höfum horft upp á eigur okkar nánast gufa upp vegna þess að yfirvöld hafa ekki staðið sig nógu vel að ganga svo frá málum að svona misferli og allt því sviksamlegt athæfi á stórkostlegan hátt gæti orðið.

Martröðinni verður að linna! Finnum peningana okkar og höfum uppi á þeim sem ekki hafa hreint mjöl í pokanum.

Mosi

Við hættum frekar við lánið

Athugasemdir

[Þorsteinn Ásgeirsson (Icerock), 6.11.2008 kl. 23:19]

Það virkar vel fyrir óvirkan alkóhólista að hjálpa örum virkum alkóhólista í meðferð og hlúa að honum. Það má þá kannski rökstyðja það að stjórnvöldin sem við höfum í dag með fullt af óhreinu mjöli í pokanum eigi auðvelt með að finna óhreina mjölið í pokanum hjá útrásafurstunum. Eða kannski sjáum við allt þetta í hillingum af því að við fáum ekki að vita neitt.

[Guðjón Sigþór Jensson, 7.11.2008 kl. 15:17]

Því miður er þjóðfélagið rekið eins og heimili ofdrykkjumanns. Allt miðast við að halda uppi dampinum áfram og helst fylleríinu líka.

Mér finnst réttast að gera út leitarleiðangur og hafa uppi e-ð af þessum milljörðum.

Talið er að Íslendingar skuldi núna nálægt 10.000 milljarða erlendis. Það eru rösklega 3 milljónir á hvern haus. Þetta er gríðarlegt fé.

Hvað varð um eignirnar?

Mosi