Mikilvægt neytendamál

Flest bendir til að ef stjórnmálamönnum detti sú fáranlega hugmynd að taka ákvörðun um að leggja kapal til Skotlands, væri slíkt ávísun á hækkun rafmagns til neytenda á Íslandi. Meðan rafmagnsverð er hærra erlendis mun ekki líða á löngu uns verð á raforku til almennings hækki upp úr öllu valdi.

Allar stórkarlalegar hugmyndir um gróðavænlega sölu á raforku til Evrópu byggjast á fremur barnslegri trú að við getum orðið orkubú fyrir Evrópu! Í raun getum við í mesta falli skaffað Skotum og kannski eitthvað af Englendingum næga raforku með því að fórna nánast öllum okkar fossum og náttúruauðlindum. 

Kapall til Skotlands er rándýr. Þá bætist við mikið flutningstap um 35% og ekki er unnt að útiloka ef bilun verði á, verði tekjutap kannski sem varir mánuði.

Hugmyndir sem þessar eru eins og hver önnur heimska sem best væri að gleyma, - og sem allra, allra fyrst! 

Tenging við Evrópu verði skoðuð

Athugasemdir

[Guðrún Sæmundsdóttir, 21.2.2014 kl. 13:50]

Á meðan að það er vandamál að tryggja íslenskum stóriðnaði nægilega raforku, er ótímabært að ætla sér að selja raforku til Evrópu.

Hvaðan ætti þessi orka að koma sem á að fara í kapalinn?

Ég tek undir með þér að íslenskir neytendur eiga það á hættu að raforkuverð til þeirra muni hækka verulega.

[Guðjón Sigþór Jensson, 21.2.2014 kl. 20:15]

Þakka þér Guðrún.

Nú berast þær fréttir að Landsvirkjun hafi verið rekin með umtalsverðu tapi á liðnu ári.

Ástæðan: mjög lágt álverð!

Sem sagt, það kom að því!

Þessi gegndarlausa bjartsýni að unnt væri að treysta á áliðnaðinn var eins og hvert annað mýraljós í boði Framsóknarflokksins og reyndar Sjálfstæðisflokksins einnig. Ein ástæðan fyrir lækkun álverðs er vaxandi endurvinnsla á áli einkum einnota drykkjarumbúðum úr áli í Bandaríkjunum. Bandaríkjamenn hafa áttað sig á, loksins, að endurvinnsla á einnota drykkjarumbúðum borgar sig. Þetta hefur gerst í Evrópu og nú aftur í BNA.

Mjög líklegt er að óhagstæðustu álbræðslum í heiminum verði lokað á næstu árum. Og að aukinn þrýstingur verði meðal álbræðslueigenda að þrúkka verði á raforku sem öðrum rekstrarkostnaði niður. Svo kann að fara að rekstur á álbræðslum hér á landi verði ekki áhugaverður nema til komi verulegar tilslakanir hvað verð á raforku og tilslakanir á kröfum vegna mengunar verði til að koma á móts við þessa aðila. En það er okkur ekki í hag nema síður sé. Við sjáum í þessu hve álbræðslustefna Framsóknarflokks og Sjálfstæðisflokks er mikil blindgata.

[Guðrún Sæmundsdóttir, 22.2.2014 kl. 13:36]

Það væri nær að bjóða garðyrkjunni viðráðanlegt raforkuverð.