Þjóðargjöf Sigmundar Davíðs?

Hvað er þessi svonefndi forsætisráðherra að þvæla? Þjóðargjöf íslendinga? Tilefnið öld frá endurkomu konungsríki sem varð fyrir heilum 8 árum?

Þetta er nú meiri þvættingurinn og í stíl við flest sem þessi ævintýramaður íslenskra stjórnmála kemur nærri.

Í það fyrsta: Var íslenska þjóðin sammála því að heilum 8 árum eftir gefið tilefni tæki íslenskur ævintýramaður sig upp og gæfi nokkrar skruddur erlendum aðila? Kannski það hefði verið viðkunnanlegra að bera þessa ákvörðun undir þjóðina og leiðrétta tilefnið: 108 ár en ekki 100 ár eftir uppvakningu konungsdóms í Noregi.  

Það mun ekki líða á löngu að flestir Íslendingar muni vera búnir að fá sig fullsadda af uppátækjum þessa manns.

Afhenti Norðmönnum þjóðargjöf

Athugasemdir

[Benedikt V. Warén, 28.10.2013 kl. 17:30]

Mosi. Þú ert skemmtilega málefnanlegur að vanda.

[Óskar Helgi Helgason (IP-tala skráð) 28.10.2013 kl. 22:34]

Sæll Guðjón Sigþór; sem og aðrir gestir, þínir !

Benedikt; fornvinur minn V.Warén !

Þarna; fer sjónarmið Guðjóns Sigþórs, allmjög; nærri mínum.

Við Guðjón; erum oftlega ósammála, - enda hugmyndalega fjarlægir, yfirleitt.

En; ég kann að meta, öfgalaus og skætingslausar hugleiðingar hans, á ýmsum sviðum - eins og þessu, Benedikt minn.

Með beztu kveðjum; af Suðurlandi, utanverðu /

[Benedikt V. Warén, 28.10.2013 kl. 23:01]

Það er gott að geta varið tíma sínum í svo djúpar pælingar.  "Þau eru súr" sagði refurinn.  Það sannast enn einu sinni hjá tapsárum, - þau eru súr.

[Axel Jóhann Hallgrímsson, 29.10.2013 kl. 00:00]

Ætli það líði 8 ár áður en Sigmundur tekur umbúðirnar utan af kosningaloforðunum Framsóknar?

Það er undarlegt að þessi færsla skuli ergja þig svona rosalega Benedikt, ef hún er jafn "grunn" og þú vilt vera láta. Það dylst engum hver refurinn er í þessu litla ævintýri.

[Guðjón E. Hreinberg, 29.10.2013 kl. 00:01]

Konungsríkið Noregur varð til rétt á undan Konungsríkinu Íslandi. Það spratt af sama meiði: Danskt vald, danskt þjóðþing, danskhannaður fáni: Rétt eins og Íslenska lýðveldið sem spratt af sama meiði. Því er viðeigandi að "dæmigerður stjórnmálamaður þeirrar arfleifðar" hagi sér í þeim stíl.

Nafnið "Alþingi" táknar allsherjarþing sameinaðra héraðsþinga. Hálfdanska þjóðþingið við Austurvöll er þing fulltrúalýðveldis sem hannað var í Evrópu. Það á ekkert skylt við arfleifð hinnar Íslensku þjóðar.

Þetta er þannig í stíl við annað af þessum legg. Hið versta er að þjóðin sefur það enn af sér.

[Ómar Bjarki Kristjánsson, 29.10.2013 kl. 01:24]

Það er betur sagt frá þessu á RUV. (Bráðfyndið)

,,Halldór Ásgrímsson, fyrrverandi forsætisráðherra, gaf Kjell Magne Bondevik, þáverandi forsætisráðherra Noregs, þessa gjöf í tilefni af því að hundrað ár voru liðin síðan norska konungsdæmið var endurreist. Í fréttum um gjöfina þá kom fram að kostnaður við verkið væri áætlaður um 14 til 16 milljónir og að gjöfin væri um 500 eintök af sögunum fjórum. Viðhafnarútgáfurnar áttu þá að vera tilbúnar 2009."

Og hva? Eru framsóknarmenn búnir að niðurskrifa þessa gjöf eða? Lofuðu 500 eintökum og efndin er ein bók. Hahaha. Halldór gaf út sérstakt gjafarbréf þessu viðvíkjandi.

[Guðjón Sigþór Jensson, 29.10.2013 kl. 12:31]

Svona er nú það. Bestu þakkir fyrir málefnalegar athugasemdir og viðbætur.

Skyldi Sigmundur hafa eitthvað hjá Berlúskóní sem fyrirmynd rétt eins og kosningaloforðin bröttu?