Eru maðkar í mysunni?

Eva Joly tekur réttilega undir gagnrýni Bjarkar sem er hárrétt. Tugir þúsunda landsmanna töpuðu réttindum þegar lífeyrissjóðir töpuðu fjárfestingum í glæfrafyrirtækjunum Atorka-Geysir Green Energy. Það síðarnefnda virðist aðeins hafa verið pappírsfyrirtæki líklega stofnað sem liður í umfangsmikilum blekkingum og svikum þar sem útrásarvíkingar komu við sögu. Þá töpuð hundruðir Íslendinga umtalsverðum sparnaði sínum í  í formi hlutabréfa í fyrirtækinu Atorku. 

Um 20.000 Íslendinga eða um 7% hafa undirritað áskorun Bjarkar Guðmundsdóttur að stjórnvöld komi í veg fyrir söluna til kanadíska/sænska skúffufyrirtækisins. Við sem undirrituðum áskorunina viljum stoppa þessa braskstefnu að leyfa enn erlendum fjárglæframanni að gera orkuna okkar að féþúfu. Vitað er að hann hyggst síðar selja Kínverjum eða öðrum þá hagsmuni sem Sjálfstæðisflokkurinn er einmitt svo áfjáður núna að afhenda þessum braskara.

Af hverju voru lífeyrissjóðirnir og hluthafarnir í Atorku hlunnfarnir?

Það eru greinilega maðkar í mysunni! Þetta svínarí verður að uppræta og koma ábyrgð á hendur þeim sem hlut eiga að máli.

Mosi

Joly tekur undir áskorun Bjarkar

Athugasemdir

[sæmundur (IP-tala skráð) 12.10.2010 kl. 20:40]

ætla Joly og björk að fjármagna endurkaupin af Magna . Nefndin sem var sett á laggirnar af VG og umhverfisliðinu koms að því að kaupin voru lögleg

[Lúðvík Júlíusson, 13.10.2010 kl. 13:10]

Þeir sem eru sáttir við kaup Magma Energy á HS Orku verða að útskýra fyrir mér hvers vegna það þurfti að gefa 3 milljón USD afslátt af HS Orku.

Þetta er enn eitt dæmið þar sem lélegt viðskiptasiðferði er löglegt.. enn eitt dæmið um að hér er enn bullandi 2007 hugarfar.

Þessi viðskipti þarf að stöðva, amk. fara fram á að kaupandinn greiði fullt verð.

[Guðjón Sigþór Jensson, 13.10.2010 kl. 13:54]

Sæmundur: þetta er útúrsnúningur. Lífeyrissjóðirnir og almennir hhluthafar töpuðu mjög háum fjárhæðum í fyrirtækinu Atorku sem átti Geysir Green.

Spurningin er ekki hvort Eva, Björk eða einhver ætli að kaupa, heldur hvort Geysir Green hafi selt á löglegan hátt til Magma með afslætti eins og Lúðvík bendir á.

Þessi sýndargerningar eru sjónhverfingar og ekki spurning hvenær ber að rannsaka þá.

Mosi