Corporate Iceland

Í dag er afburða grein í Fréttablaðinu, bls. 24 eftir Guðmund Pál Ólafsson náttúrufræðing, rithöfund og ljósmyndara: Corporate Iceland.

Umhugsunarvert er að Guðmundur noti erlent orð í titli greinarinnar en það mun vera táknrænt eins og honum er oft lagið. Enska orðið corporate er margrætt, getur þýtt að eitthvað sé sameiginlegt. Það getur einnig tengst rekstri fyrirtækis og jafnvel einhverjum tilteknum hóp og sjálfsagt mannlegu samfélagi.

Góðar stundir

Mosi

Arfur íhaldsins

Þessi för Steingríms fjármálaráðherra á ársfund Alþjóðagjaldeyrissjóðsins er ekki auðveld. En hann hefur sýnt okkur og sannað, að hann er mikill baráttumaður fyrir rétti okkar. En samningsstaðan er sem áður mjög erfið. Ríkisstjórnin er sem mús í fjalaketti, fá góð úrræði eru í þeirri hrikalegu stöðu sem arfur íhaldsins hefur komið okkur í. Eftir nær 18 ára samfellda ríkisstjórnar Sjálfstæðisflokksins er efnahagur landsmanna rjúkandi rústir. Gróðabrall undir formerkjum hinnar svonefndu Frjálshyggju breyttu bönkunum í ræningjabæli. Léttúð og kæruleysi gagnvart náttúru landsins fórnað á altari álbræðslu sem framkölluðu tímabundið gervigóðæri.

Nú er komið að skuldadögunum. Því miður getur hvorki Framsóknarflokkurinn og þaðan af síður Sjálfstæðisflokkurinn tekið til eftir þetta glórulausa og tómlausa partý. Á þeim bæjum er hins vegar oft gagnrýnt og reynt að tefja fyrir.

Við óskum Steingrími góðrar og árangursríkrar farar til Tyrklands.  Kannski við höfum betri von um bjartari framtíð enda oft þörf en nú nauðsyn að biðja fjármáladrottna heims um gott veður.

Mosi

Steingrímur til Tyrklands