„Táknræn“ laun forsætisráðherra: 1 krónu á mánuði!

Framganga forsætisráðherra í þessu máli er mjög einkennileg að ekki sé dýpra tekið í árina. Geir hefði betur tekið sér strútinn sér til fyrirmyndar og stungið höfði sínu - og gleraugunum - í sandinn.

Ætli það væri ekki í samræmi við tilboð hans til þessa hóps sem var beittur ótrúlega miklu misrétti og fór á mis við svo margt sem þó flestum þótti sjálfsagt?

Við skulum minnast þess, að þessi ríkisstjórn ákvað eins og að drekka vatn, að veita 1.500 milljónir í að kosta tilgangslaust eftirlitsflug erlendra herflugvéla á þessu ári. Enn var 200 milljónum varið til hergagnaflutninga í þágu árásarstríða á vegum NATÓ. Ferð menntamálaráðherra til Kína til að góna á einn handboltaleik á olympísku leikunum þar í landi kostaði íslenska skattborgara milljónir! Þar hefði viðkomandi sóma síns vegna átt að greiða för úr eigin vasa enda ekki á flæðiskeri stödd!

Það þykir því ofrausn í landi allsnægtanna að fleygja örfáum hundruðum þúsunda í andlitið á þeim sem eiga sárt um að binda þar sem mjög alvarleg mannréttindabrot komu við sögu og voru framin gagnvart börnum og unglingum á sínum tíma.

Þetta ættu sem flestir að minnast við næstu kosningar til sveitarstjórna sem Alþingis og gleyma ALDREI! 

Misrétti gagnvart þeim sem minnst mega sín meðal okkar verða ALDREI fyrirgefin!

Þessir einstaklingar sem voru beittir misrétti hafa þurft að ganga gegnum þrengingar og liðið fyrir þær í áratugi. Þeir eiga betra skilið!

Mætti ríkisstjórnin skammast sín eins og hún leggur sig af minna tilefni!

Legg því eindregið til að Geir forsætisráðherra Sjálfstæðisflokksins afsali sér öllum launum sínum til loka kjörtímabilsisns og taki sér „táknræn“ laun eftirleiðis t.d. 1 krónu á mánuði.

Mosi 

Harma framgöngu forsætisráðuneytisins

Athugasemdir

[Guðrún Þóra Hjaltadóttir, 4.9.2008 kl. 23:42]

Guðjón Geir hefur varla tekið hausinn upp úr sandinum, nema til að sína gremju sína. Hann ætti að skammast sín. Viðbrögð hans eru ekki manni í hans stöðu sæmandi.

[Árni Gunnarsson, 5.9.2008 kl. 00:57]

Já það mætti mikið spara ef geldneyti stjórnsýslunnar færu á árangurstengd laun.

Þvílíkar upphæðir!

[Steingrímur H Steingrímsson, 5.9.2008 kl. 07:35]

Það senda nú allar þjóðir fulltrúa sína á þessaolympíuleika. Ég get ekki séð samhengi í því ad hún sé vel efnud og ad hún eigi ad borga sjálf fyrir ferd sem hún er send í á vegum íslnska ríkisins.