Loksins, loksins...

Loksins hafa Þyrnirósirnar í Viðskiptaráðuneytinu vaknað af löngum dvala. Oft er þörf en nú nauðsyn. Þegar fram fór opinber rannsókn á samráði olíufélaganna hérna um árið, þá var eins og tilgangurinn hafi einkum verið sá að klína sök á Þórólf Árnason af því að þá gegndi hann störfum borgarstjóra í Reykjavík. Allir sem þekkja Þórólf vissu, að hann kom aðeins að þessum samráðsmálum sem miðlari upplýsinga og koma á fundum þar sem forstjórarnir tóku ákvarðanir. Svona er unnt að blekkja þjóðina með áróðurskenndum ofsóknum.

Nú er enginn „blóraböggull“ sem vissir pólitíkusar þurfa að ráðast á. Hins vegar er samráð olíufélaganna augljóst. Borðleggjandi er að forstjórarnir hafa heldur en ekki fært sig upp á skaftið með sín samráðsmál.

Óskandi er að fram fari opinber rannsókn á meintu samráði þeirra að halda uppi verði á eldsneyti.

Mosi

 

Skoðar verðlag á eldsneyti

Athugasemdir

[Rúna Guðfinnsdóttir, 28.8.2008 kl. 18:56]

Þetta er Mosi minn:

Kveðjur og heilsanir.

[Einar Ólafsson, 4.9.2008 kl. 12:14]

Það verður alltaf samráð milli olíufélaganna, það liggur í augum uppi. Samráð þarf ekki að vera mjög formlegt, það þarf ekki að gerast á skjalfestan hátt, það verður bara meira og minna sjálfkrafa. Fyrir fjórum árum lagði ég til að almenningur, eða ríkið fyrir hans hönd, tæki olíufélögin upp í skuld og þjóðnýtti þau. Það hefði betur verið gert.

http://notendur.centrum.is/~einarol/oliu.htm

[Einar Ólafsson, 4.9.2008 kl. 12:22]

Og vel að merkja, ég er ekki einn um þá hugmynd - prófaðu að gúgla orðin: þjóðnýta olíufélögin