Vistakstur er skynsamlegur

Fátt er jafn skynsamlegt og að temja sér vistvænan akstur. Með honum er átt við að haga akstri ökutækis á þann hátt að hraði sé sem jafnastur, einnig að láta sig berast með straumnum hægt en bítandi.

Því miður eru allt of margir ökumenn sem virðast ekki átta sig á þessu: þeir auka hraðann til að komast fram úr sem flestum bílum, fara jafnvel að eins og þeir séu að skíða í Bláfjöllunum eða Skálafelli til að komast sem hraðast á áfangastað og þar með til að komast á undan öðrum í biðröðina við skíðalyfturnar.

Að aka fram úr öðru ökutæki hægra megin er ekki aðeins harðbannað: það er stórhættulegt og beinlínis heimskulegt. Mörg slys má rekja til slíks háttalags og kennsla um vistakstur ætti sérstaklega að vera beint til þeirra sem þannig aksturslag stunda.
Aukinn agi í umferðinni er mjög æskilegt enda er tillitsemin það sem mestu máli skiptir fyrir alla akandi vegfarendur.

Mosi 

Vistaksturskennsla styrkt

Athugasemdir

[Haraldur Haraldsson, 19.6.2008 kl. 14:44]

Á öllum mínum ferli sem Bifreiðarstjóri,reyndar ekki að atvinnu,hefi eg stundað vistaðastur,og reina að láta bifr. mín eyða sem mynstu,ekki veitir af,en þetta getur gengið ut i öfgar sértaklega hér i Bæjarkeyrslunni,það ber að taka af stað strax og það vel  þvi annar kemst engin á milli ljósa og það eykur bensíneyðsluna mikið/Halli gamli