Sterkir lífeyrirssjóðir

Fagna ber að lífeyrirssjóðir landsmanna standa jafn sterkir og fréttir herma. En lagaumhverfi þeirra þarf endurskoðunar við með það í huga að tryggja þessi sömu lífeyrirkjör. Alli launþegar sem greiða í lífeyrissjóði hafa greitt bæði tekjuskatt og útsvar gegnum tíðina og þess vegna er mikið ranglæti að lífeyrirþegar þurfi að greiða öðru sinni sömu skatta af greiðslum úr lífeyrissjóðum. Þetta ertil háborinnar skammar og ríkisstjórnin ætti að sjá sóma sinn í að breyta þessu. Eðlilegt væri að 10% skattur væri greiddur af þessum greiðslum rétt eins og af fjármagnstekjum.

Leggur Mosi eindregið til að allir góðir þingmenn leggi þessu mikilvæga máli lið.

Mosi 

Lífeyrissparnaðurinn sá mesti

Athugasemdir

[Björn Friðgeir (IP-tala skráð) 19.2.2008 kl. 19:29]

Þú veist að greiðslur í lífeyrissjóð eru í dag og hafa í áratugi (ekki alltaf, það viðurkennist) verið undanþegnar skatti.

Nú? Vissirðu það ekki? Jæja, þá veistu það núna.

[Guðjón Sigþór Jensson, 20.2.2008 kl. 07:49]

Allir landsmenn guldu allt upp í 38% tekjuskatt af ÖLLUM launatekjum til skamms tíma. Það var ekki fyrr en fyrir nokkrum árum sem þessu var breytt: framlag launamanna var undanskilið tekjuskattsstofni. En lífeyrissjóðsframlög fram að þeim tíma verða eftir sem áður að óbreyttri skattheimtu verða tvískattaðar sem málið stendur um.

Mosi