Læknir tekur við af lækni

Margt gott er um nýja málefnasamning nýja meirihlutans í Reykjavík að segja. Þar er hnykkt betur á þeim stefnumótun sem taka hefur þurft á í framkvæmdum og sýn til framtíðar. Óskandi er að miðbærinn og eldri hluti Reykjavíkur verði varðveittur í þeirri mynd sem nær upphafinu er, en óskipulögðu samansafni húsa sem einkennist af mikilli sundurgerð og húsagerð sem er æpandi á það eldra sem fyrir er.

Eðlilegt er að Ólfafur F. sé núna í sviðsljósinu enda er hann ekki aðeins lykillinn að þessum meirihluta, heldur einnig helsti veikleiki hans. Hann má ekki forfallast undir neinum kringumstæðum og því þykir mörgum hann færast nokkuð mikið í fang, jafnvel reisa sér hurðarás um öxl. En verður ekki að vona það besta?

Nú verður væntanlega skipt um gír í borgarstjórninni. Nú er fátt því til fyrirstöðu að Sjálfstæðisflokkurinn taki aftur upp REI málið að nýju og leiði það áfram með þeirri varkárni sem Ólafur F. vill gjarnan sýna í því máli.

Ef þessi meirihluti spryngur eins og sá fyrri, þá ætti ekkert að vera því til fyrirstöðu að Dagur læknir taki aftur við. Að mörgu leyti er það prýðilegt að læknar fari með æðstu stjórn Reykjavíkur enda sjá þeir mjög heildstætt yfir það sem gera þarf líkt og verkfræðingar en að sjálfsögðu á gjörólíkan hátt.

Mosi

F-listi og D-listi í samstarf

Athugasemdir

[Morten Lange, 22.1.2008 kl. 13:28]

Vonandi er Ólafur  í alvöru að hugsa um heilsu ohg umhverfi íbúa og í alævöru lýðræðis- og rökræðusinni.  Ég tel að margir sérfræðingar um skipulga og um heilbrigðar samgöngur geta útvikkað sjóndeildarhringnum töluvert hjá honum og D-listamenn.  Ef að þeir bara vildu hlusta og ræða málin einu sinni.

[Guðjón Sigþór Jensson, 23.1.2008 kl. 08:25]

Já það væri óskandi. En því miður verður að segja, ýmislegt bendir til að hann sé leiksoppur valdabaráttu vissra stjórnmálamanna því ekkert bendir til annars en að hann verði borgarstjóri á mjög veikum og brothættum grunni.

Mosi