Góðir punktar

Mosi vill taka undir þessar athugasemdir Ungra vinstri grænna. Auðvitað þarf að gera hreint fyrir sínum dyrum hvaða ástæður hafi orðið til þess að ný borgarstjórnarmeirihluti væri myndaður.

Þessi nýi meirihluti er jafnvel enn valtari en sá fyrri. Ekki þarf nema einn mann að Reykvíkingar sitja uppi með nýjan meirihluta.

Einhvern veginn telur Mosi að ástæðan fyrir þessum skyndilegu umskiptum fulltrúa Framsóknarflokksins einhver óánægja hans með Vilhjálm og sveitina sem stendur að baki honum. Kannski þetta sé liður sem millileikur í einhverju þrátefli að Framsóknarflokkurinn í Reykjavík haldi Reykjavík í n.k. gíslingu. Ljóst er að framsóknarmenn eru ekki sáttir við úrslit síðustu þingkosninga því ekki mátti miklu muna að þeir þurrkuðust út. Betur hefði að svo hefði orðið, - að mati Mosa.

Framsóknarflokkurinn var barn síns tíma og átti margt gott til að leggja til þjóðmálanna. Hins vegar er þessi stjórnmálaflokkur orðinn að einu allsherjar spillingarbæli þar sem lofað er óspart til vinstri og hægri og helst allt svikið jafnóðum! Við skulum minnast þess að það var Framsóknarflokkurinn sem hefur lagt mesta áhersluna á stóriðjuna rétt eins og hér væri komið upp n.k. sovét. Við þurfum hvorki á Framsóknarflokk né sovétum að halda meir, þessum börnum síns tíma.

Óskandi er að við getum sagt: Framsóknarflokkur Íslands: Sic transit gloria in mundi!

Sem útleggja mætti frjálslega: Farið  hefur fley betra!

Mosi 

Ung vinstri-græn segja að Björn Ingi og Dagur skuldi skýringar

Athugasemdir

[Ari Guðmar Hallgrímsson, 12.10.2007 kl. 13:04]

Ég ætla að taka fram að það vantar mikið á að ég sé hrifinn af Framsóknarflokknum,en eru þeir ekki æði margir samt í pólitíkinni.Hvað um hinn "framsóknarflokkinn"  sem sat í síðustu stjórn,var hann alveg engilhreinn.Átti hann í vandræðum með að halda Framsóknarflokknum frá því að spilla öllu,var ekki Guðlaugur Þór eitthvað viðriðin OR,eins og mig minni það.En við skulum hafa það svona á bak við eyrað aðs jaldan veldur einn þá tveri deila.