Fyrrum stjórnmálamaður veður í peningum

Það er með ólíkindum hvað þessi umdeildi fyrrum stjórnmálamaður veður í peningum. Auðsöfnunin virðist slík að flest verður að gulli hjá honum rétt eins og hjá Mídasi konungi forðum en allt varð að gulli sem hann snerti svo sem kunnugt er af fornum sögnum.

Þegar hann var ráðherra á sínum tíma fór hann mikinn, samdi við stórfyrirtæki um hræódýrt rafmagnsverð og  markaðsetti Ísland sem gósenland mengandi stóriðju.

Það skyldi þó ekki vera fjárhagslegt samband þarna á milli, lipurð við auðjöfra stóriðjunnar og gegndarlausrar auðsöfnunar?

Hvað skyldi frétta af einkafyrirtækinu Fikti sem hefur verið prívatfyrirtæki þessa fyrrum ráðherra?

Mosi - alias 

Finnur selur bréf sín í Icelandair og hættir sem stjórnarformaður

Athugasemdir

[Hallgrímur Óli Helgason, 31.8.2007 kl. 18:16]

alveg með ólíkindum hvernig hann og fleiri vaða í peningum, hvar ætli þessir peningar hafi orðið til

[Guðjón Sigþór Jensson, 31.8.2007 kl. 19:01]

Það er góð spurning sem gott væri að fá svar við. Framsóknarmenn hafa lengi verið þekktir fyrir að fara óvenjulegar leiðir að koma sér og sínum í góð efni. Þeir sjá auk þess vel um sína en eru fljótir að setja þá sem ekki vilja vera lengur með út í ystu myrkur.

Mosi - alias 

[Ævar Rafn Kjartansson, 31.8.2007 kl. 23:21]

jamm...... Það fóru einhverjir milljarðar í að heilla álrisana hingað með kampavíni, laxveiði og tilheyrandi. Svo hafa draugafyrirtæki SÍS sprottið upp sem kaupendur í einkavæðingunni þar sem kurteisislega var skipt kökunni eins og embættum ríkisvaldsins. Og Ingólfur hefur einhvern veginn verið mjög stjórnarbreiður á þeim vettvangi. Sem þýðir á mannamáli að hann semur við sjálfan sig um þessi mál. Og nennti ekki lengur að vera pólitíkus af því að það voru allir að gagnrýna hann fyrir hvað hann er fúllyndur. En hann hlýtur að geta allavega sett upp sama sýnishorn af brosi og framsóknarpabbinn hans Halldór núna eftir síðasta gjörning.

[Guðjón Sigþór Jensson, 3.9.2007 kl. 20:47]

Já álið hefur ábyggilega ýtt undir mikinn lkaupmátt vissra aðila í samfélaginu.

Í fyrra keypti Kaupþing banki út langflesta litlu hluthafana í HB Granda, stærsta útgerðarfyrirtæki íslensku. Á síðasta aðalfundi þessa sama banka kom í ljós að bankinn átti 33% í þessu mikilvæga útgerðarfyrirtæki. Um það leyti sem aðalfundur HB Granda stóð yfir var einum aðalamanninum í gamla SÍS veldinu seldur þessi sami 33% hlutur og hafði bankinn dágóðan hagnað af þeim viðskiptum enda eftir nokkru að slægjast í útgerð þessari.

Einu sinni prédikuðu prestar landsins að vegir guðs væru lítt rannsakanlegir. Hvernig vegir fjármagnsins leiða er ekki síður ómögulegt að sjá fyrir. Kannski verður að vona það besta, - en þegar verst stendur á , - þá vilja krosstrén bresta sem önnur tré, - og öll spilaborgin getur hrunið. Reyna þá ekki flestir að forða sér og verða ekki undir? 

Mér skilst að hlutabréfabrask viss framsóknarmanns hafi verið fjármagnað að verulegu leyti með rándýrum erlendum lánum og nú hafi verið komið að skuldadögum.

Oft getur braskarinn grætt vel af skammtímafjárfestingum en stundum getur tapið numið meira en ávinningurinn næstu missera á undan. Var ekki konungur brasksins Einar Benediktsson furðu fljótur að græða offjár, - en tapaði oft meiru á einum degi en heilu misserin?

Mosi - alias