Sérkennilegur málflutningur

Hvernig ber að skilja þessi orð Sigmundar Davíðs:

„Nú er ég kominn í nýtt starf og þarf að reyna að halda heila ræðu án þess að segja nokkurn skapaðan hlut.“

Hvað á þessi maður við? Er hann hann að gefa í skyn að betra sé að þegja en að glutra einhverju út úr sér sem ekki ber að skilja öðru vísi en hjál ómálga barns?

Hver er þessi maður sem virðist hafa náð ótrúlegum árangri með bröttustu kosningaloforðum sem sést hafa norðan Alpafjalla? Meira en fjórðungur þeirra sem kusu völdu flokk þessarar íslensku útgáfu af Silvíó Berlúskóní.

Hann er auðugast þingmaðurinn, lofar öllu fögru, boðar gull og græna skóga, reyndar ekki græna, fremur gráa álskóga.

Hann vill brjóta niður allt sem hetir náttúruvernd þegar hún er í vegi fyrir frekari áldraumum sínum.

Í dag ætlum við að mótmæla þessari stefnu Sigmundar Davíðs að leggja niður Umhverfisráðuneytið og koma því fyrir í smáskúffu Landbúnaðarráðuneytisins. Náttúra landsins hefur að jafnaði átt í varnarstríði þegar Framsóknarflokkurinn er í ríkisstjórn.

 

Leynifundir og andspyrnuhópar

Athugasemdir

[Ómar Bjarki Kristjánsson, 28.5.2013 kl. 13:20]

Jú, rétt ábending.

Ég er hugsi yfir hvernig nefndur maður kemur fram í fjölmiðlum eftir að hann fékk embættisstólinn.

Jú jú, það eru ekki margar dagar síðan, en allt sem hann hefur sagt á þeim tíma er hið furðulegasta.

Vaknar spurningin: Hver er í raun Sigmundur Davíð? Það veit enginn! Maðurinn hefur aldrei gert neitt.

En það sem þegar má greina, er að hann hefur gaman að svona furðulegum rökframsetningum. Hann hefur þvælustíl í sinni framsetningu. Td.: Á að refa öðrum fyrir að eg fæddist karlmaður? O.s.frv. Hann virðist soldið upptekinn af slíkum furðuröksemdar málflutningi.