Mismunandi hugur

Einkennileg viðbrögð við að rukka aukalykla á staðnum, lyklar sem e.t.v. aldrei hafa verið notaðir. Þetta hefði mátt leiðrétta á mun diplómatískri hátt. Hver vissi um aukalyklana í veski fráfarandi ráðherra?

Greinilegur er mismunandi hugur við yfirtöku valda nú og fyrir rúmum 4 árum. Í febrúar 2009 var beygur í hugum þeirra sem tóku við völdum enda var verkefnið mjög erfitt og að sama skapi vandasamt.

Nú horfir öðru vísi við. Sigmundur Davíð hefur undirbúið valdatöku sína og sinna liðsmanna mjög vandlega. Öll þess 4 ár var reynt að flækjast sem mest fyrir ríkisstjórn Jóhönnu og henni gert sem erfiðast fyrir. Nú þegar tekist hefur að sigla „Þjóðarskútunni“ á lygnari sjó, telur Sigmundur tíma sinn kominn. Og nú er hugarfarið allt annað: Nú getum við tekið við stjórninni!

Sjálfsagt er að veita þessari nýju stjórn tíma til að sýna hvað hún getur. Kosningaloforðin voru ansi brött, líklega ekki sérlega raunsæ þar sem sækja verður gríðarlegt fé í hendur braskara. Þess má geta að báðir formenn stjórnarflokkanna tengjast braski á einn og annan hátt. Það eru einkennilegir tímar framundan. Kannski ekki aðeins bröttustu kosningaloforðin heldur einnig stærstu loforðasvik sögunnar, allt til þess gert að komast yfir völdin.

 

Rukkuð um aukalyklana

Athugasemdir

[Björn (IP-tala skráð) 24.5.2013 kl. 13:19]

Þetta er nú frekar skrýtin athugasemd miðað við frásögnina. Í fréttinni segir að bílstjórinn, það er ráðherrabílstjórinn, hafi minnt fyrrverandi ráðherra á aukalyklana þegar hún var á leið út úr dyrunum. Sem sagt samviskusamur opinber starfsmaður að vinna sitt starf. (Hvenær átti bílstjórinn að afhenda nýjum ráðherra aukalyklana?) Einnig umhverfisvænt að koma í veg fyrir auka eldsneytiseyðandi ferðir og líka tímasparandi. Enda lofaði Svandís Skúla mjög.

[Birgir Gudjonsson (IP-tala skráð) 24.5.2013 kl. 21:19]

Skil ekki hvað er athugavert að biðja viðkomandi að skila lyklum sem hún á ekki að hafa lengur ?

Vá, hvað þið vinstri menn eruð brothættir þessa dagana...

[Jóhann Kristinsson, 25.5.2013 kl. 17:35]

Auðvitað á að gefa þessari nýju Ríkisstjórn einhvern tíma að koma af stað því sem þau lofuðu í kosningabaráttuni.

Nú er kosningum lokið og kominn tími til að huga að loforðunum, spurningin er; hversu lengi eiga kjósendur að bíða eftir að sjá aðgerðir í að framkvæma kosningarloforðin?

Ég held að ef ekkert er farið að bóla á að kosningarloforðin verði efnd 31. desember 2013, þá sé kominn tími til að minna þessa háu herra hverju þeir lofuðu.

Kveðja frá Las Vegas