Betri er skattur og hafa öryggi

Sjálfstæðisflokkurinn beitti sér á 17 ára samfelldu valdaskeiði sínu fyrir miklum skattalækkunum einkum gagnvart þeim sem betur máttu sín. Afleiðingin var sú að þúsundir lögðu sparnað sinn til hliðar og keyptu m.a. hlutabréf.

Sami flokkur átti ásamt Framsóknarflokknum forgöngu í að undirbúa illa ígrundaða einkavæðingu ríkisbankanna og ákváðu með enn verri undirbúning að afhenda bankana vandræðamönnum.

Allt hrundi sem hrunið gat enda töldu allir hlutaðeigandi að þeir bæru enga ábyrgð.

Nánast allir sem áttu hlutabréf og hugsuðu um langtímasparnað í formi þeirra töðuðu áratuga sparnaði, í boði Framsóknarfloksins og Sjálfstæðisflokksins.

Fyrir mitt leyti vil eg fremur borga nokkra þúsund kalla til viðbótar í skatta til að leggja mitt af mörkum til reksturs þjóðfélagsins. Með því get eg vænst þess að hafa öryggi sem hvorki Framsóknarflokkurinn né Sjálfstæðisflokkurinn hefur boðið.

Forysta Framsóknarflokksins og Sjálfstæðisflokksins eru nátengdir bröskurunum og spillingaöflunum sem ábyrgð bera á bankahruninu!

Mosi

Skattarnir lækki

Athugasemdir

[Jon h (IP-tala skráð) 20.10.2011 kl. 01:02]

Það er meira að segja grænn fontur hjá þér. Hahahaha góður

[Sigurður Hreiðar, 24.10.2011 kl. 12:41]

Þú vilt sem sagt heldur allsleysis- og ölmusustefnu Samfylkingar og Vinstri grænna? Hvar er öryggið í því?

[Guðjón Sigþór Jensson, 24.10.2011 kl. 18:02]

Nú misskilur þú mig Sigurður!

Auðvitað verðum við að reka samfélagið með því markmiði að enginn verði útundan. Tekjurnar verða jafnaðar með sköttum og þannig sé haldið uppi samfélagsþjónustu á sem víðustu sviðum.

Íhaldið vildi lækka skatta. Það var einkum gagnvart þeim tekjumeiri. Það finnst okkur vinstri mönnum ekki vera rétt enda dregur mikið milli þeirra sem betur mega sín og hinna sem minna hafa.

Góðar stundir!

GJ

[Sigurður Hreiðar, 24.10.2011 kl. 18:30]

Ef ég misskil þig Guðjón minn verðurðu að tala eitthvað ljósar. Ég sé ekki betur en samfélagsþjónustu hafi farið gríðarlega aftur á víðustum sviðum undir þessari svokölluðu velferðar vinstri „stjórn“. Lægri skattar ná líka til okkar hinna tekjulágu og gera okkur mögulegt að koma meiri peningum í umferð sem aftur skapar meiri umsvif sem leiða af sér meiri tekjur fyrir ríkið og fleiri störf fyrir þá sem enn eru á þeim aldri að njóta þeirra. Hvers vegna getið þið, blessaðir rasshandarmennirnir, aldrei skilið svo einfalda hagfræði?

Góð kveðja