Gjaldskrá björgunarsveita: Nú er gott tækifæri

Björgunarsveitir leggja mikið á sig í þágu þjóðar. Aldrei hafa þær tekið eyris virði fyrir veitta aðstoð hversu mikil sem hún kann að hafa verið. Þetta er með öllu óskiljanlegt venjulegu fólki enda hafa ýmsir samborgarar meðal okkar treyst á björgunarsveitir þegar anað er út í glæfraför sem því miður hafa stundum endað með ósköpum.

Nú ætti að vera gott tilefni fyrir björgunarsveitir að setja upp gjaldskrá:

Fyrir minniháttar aðstoð mætti setja upp gjald t.d. 10.000 krónur.

Fyrir meiriháttar aðstoð þar sem senda þarf sveit langan veg og jafnvel kalla til þyrlu ætti slík aðstoð að fara annað hvort eftir reikningi yfir útlagðan kostnað eða fast gjald sem gæti þess vegna numið allt að einni milljón króna. Kostnaður við björgunarsveitir er gríðarlegur sem fæstir gera sér grein fyrir. Ef Landsbjörg og björgunarsveitirnar hefðu gjaldskrá yfir þjónustu sína, mætti reikna með meiri fyrirhyggju um varhugaverðar og hættulegar slóðir.

Tryggingafélög ættu einnig að hasla sér völl á þessu sviði. Á þeim bæjum ætti að vera viðbúnaður að taka að sér þessa sjálfsögðu þjónustu. Allt eftirlit og tilkynningamál væru mun betra og auðveldari.

Um allan heim þarf að greiða fyrir þá þjónustu sem björgunarsveitir veita. Má t.d. nefna í Ölpunum en í Sviss fær enginn heimild að ganga á hættuleg fjöll nema sýna fram á hæfni til slíks og að keypt hafi verið trygging til greiðslu þóknunar til björgunarsveita ef á slíkt reynir.

Mosi


mbl.is Mjög slæmt veður á gossvæðinu
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ingveldur Guðný Sveinsdóttir

Hjartanlega sammála XD

Ingveldur Guðný Sveinsdóttir, 29.3.2010 kl. 12:19

2 Smámynd: Theódór Norðkvist

Ég hef stungið upp á tryggingu misháa eftir áhættu, sem yrði endurgreidd en 5-10% renni til björgunarsveita komist fólk klakklaust heim. Ég útlista þetta nánar á mínu bloggi.

Theódór Norðkvist, 29.3.2010 kl. 12:24

3 identicon

Sem einstaklingur í björgunarsveit er ég alfarið á móti þessari hugmynd, og viss um að aðrir séu það líka. Íslendingar eru nú þegar nógu andskoti þrjóskir við það að biðja um aðstoð, hvernig verður það ef peningum er bætt inn í spilið. Svona gjald myndi eflaust bara valda fleiri slysum. Ég vil alls ekki hugsa til þess að einhver sé upp á Fimmvörðuháls skjálfandi úr kulda og ákveður að biðja ekki um aðstoð þar sem það sé of dýrt, og drepst síðan við það að verða úti. Frekar hjálpum við þessum einstakling niður gjaldfrjálst og gerum það með bros á vör.

Ármann (IP-tala skráð) 29.3.2010 kl. 12:33

4 identicon

Ég verð að vera sammála Ármanni sem einnig meðlimur í björgunarsveit, Ég er á móti svona beinu gjaldi, Þá einmitt eins og Ármann segir mun fólk hika við að kalla eftir hjálp.

Arnar (IP-tala skráð) 29.3.2010 kl. 12:58

5 identicon

Þetta er alltaf sama þvælan sem kemur úr sófunum í 101 Reykjavík.

 Á þá líka að rukka hálfvitana sem taka ekki inn trampólínin á haustin ? Eða þá sem eru ekki með þökin hjá sér nægjanlega vel negld fyrir íslenskar aðstæður.. Nú á svo líka að rukka alsheimer sjúklingana þegar þeir fara á röltið ? Hvað með sjálfsmorðin - á þá að senda reikninginn á fjölskyldurnar þegar sveitirnar fara að leita.

 Þetta ert svo mikil þvæla að það er með ólíkindum að hugsandi fólk láti svona frá sér.

Já og ég hef starfað árum saman í björgunarsveitum og er fjalla og jeppamaður og ferðast tugi þúsunda kílómetra ´´a háendi Íslands á hverju ári, mest að vetrarlagi.

Ég er sjálfur búinn að fara tvisvar upp að gosinu og þar er ekkert að aðstæðum til að skoða - hins vegar er þarft að hafa sveitirnar þarna til að aðstoða gangandi sem að gera sér ekki fulla grein fyrir veðrinu þarna uppi. Best er reyndar að vera niðri og fræða fólk og benda þeim sem eru illa búnir á að þeir stefna í vandræði.

Benedikt (IP-tala skráð) 29.3.2010 kl. 13:08

6 Smámynd: Sigurður Hreiðar

Ég er í sjálfu sér sammála Ármanni og Arnari, enda gamall hjálparsveitarmaður sjálfur.

Aftur skil ég ekki hvað Benedikt er að röfla um sófana í 101 Reykjavík. -- Ætli einhver hafi haft svoleiðis með sér í svaðilför? -- En, já, ég held að það ætti að rukka hálfvitana sem taka ekki inn trampólínin á haustin, eða yfirleitt þegar vonskuveðra er von. Það er erfiðara viðfangs með þökin -- við vissar aðstæður eru engin þök 100% fokheld. Hitt nenni ég ekki að eyða orðum á. 

Sigurður Hreiðar, 29.3.2010 kl. 22:24

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Siðvæðing í stjórnmálum

Höfundur

Guðjón Sigþór Jensson
Guðjón Sigþór Jensson

BA í bókasafns- og upplýsingafræði frá Félagsvísindadeild HÍ. Próf frá Leiðsöguskóla Íslands 1992.  Áhugamaður um félagsmál, sagnfræði, orkumál, náttúrufræði og umhverfismál. Átti þátt í að stofna Umhverfis- og náttúrufræðifélags Mosfellsbæjar  (stofnað 2007) og var fyrsti formaður til nóv. 2010.

Hef búið í Mosfellsbæ síðan í janúar 1983.

Bloggvinir

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • IMG_1616
  • Frá Svörtu gljúfrum Gunnison þjóðgarði
  • Bútur af járnbrautarteinum?
  • ...259_1074252
  • ...259_1074251

Heimsóknir

Flettingar

  • Í dag (29.3.): 1
  • Sl. sólarhring: 1
  • Sl. viku: 10
  • Frá upphafi: 242837

Annað

  • Innlit í dag: 1
  • Innlit sl. viku: 10
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband